Ekyeshongoro kya Sulemaani 1
1
Ekyeshongoro kya kishwera na kisherwa ekirikumanyisa rukundo ya Kristo n'ey'Ekanisa ye
1 #
1 Bag 4:32. Ekyeshongoro kya Sulemaani ekirikukira byona.
Kishwerwa
2Nkaabaasibwa ki, onnywegyera n'eminwa yaawe,
Ahabw'okuba okukunda kwawe nikumpitira viinyo;
3 #
Mub 7:1; Yoh 12:3. Amajuta gaawe g'okwesiiga garimu omugaju,
Eiziina ryawe ni nk'amajuta agashukirwe;
Nikyo empangare zikukundira.
4 #
Zab 45:14, 15; Yer 31:3; Hos 11:4; Yoh 6:44; Fil 3:12. Nyriza ah'ori; nitwija kwiruka tukukuratiire.
Omugabe antaahize omu bishengye bye;
Nitwija kwesiima, tushemerererwe omuriiwe,
Tusingize okukunda kwawe okukira viinyo.
Eki barikukukundira n'eky'amazima.
5Imwe baishiki ba Yerusaalemu 'mwe,
Niinyiragura, kwonka ndi murungi;
Ndi nk'amahema ga Kedari,
Nk'emikingo ya Sulemaani.
6 #
Kyesh 8:11; 1 Kor 9:27. Murekye kunshamaarira ahabw'okwiragura,
Ahakuba eizooba niryo ryanyokize.
Abaana ba maawe bakangirira ekiniga,
Bangira omurinzi w'emizaabibu,
Kwonka eyangye tinaagirinda!
7 #
Ezk 34:14, 15. Iwe ou nkunda n'omutima gwangye gwona,
Ngambira ahu oriisiza obusyo bwawe,
N'ahu obuzaagiza omu ihangwe;
Ahabw'enki nimba nk'orikuzengyerera
Omu masyo ga bagyenzi baawe.
Kishwera
8Iwe mukazi orikuhita abandi 'we,
Ku oraabe otarikuhamya,
Toora ekirari ky'obwo busyo haihi n'amahema g'abariisa,
Oriisizeyo abaana b'entaama.
9 #
2 Bus 1:16. Nkunzi yangye, ninkushushanisa n'ebuguma y'embaraasi y'ebigaari bya Faraho.
10 #
Ezk 16:11. Enshaya zaawe ni nungi, zirengyeirweho obutsibo bw'eishokye,
N'omu maraka gaawe harimu orukwanzi rw'amabaare ag'obuguzi bwingi.
11Nitwija kukukorera amahunde g'ezaabu
N'amapeesha g'efeeza.
Kishwerwa
12 #
Yoh 12:3. Omugabe ku yaabaire aba ashutami aha kitabo kye,
amajuta gangye g'omugaju gataamirana.
13Nkunzi yangye ahariinye ni nk'akashaho ka sumuruna
akari ahagati y'amabeere gangye.
Kishwera
14Nkunzi yangye ni nk'enganda y'ebirabyo bya Koferi
Omu misiri y'emizaabibu ya Eni-geedi.
15 #
Kyesh 4:1. Nkunzi yangye, ori murungi;
Eshi ori murungi, amaisho gaawe ni nk'ag'enkombe.
Kishwerwa
16Nkunzi yangye, eshi ori murungi;
Buzimazima nooshemeza,
Kandi ekitanda kyaitu ni nk'obunyaatsi buto.
17Emitambiko y'enju yaitu n'emyereezi,
N'emiraba yaayo n'emiberooshi.
Currently Selected:
Ekyeshongoro kya Sulemaani 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
