Omubuurizi 12

1 # 2 Sam 19:35. Kandi ogume oijukye Omuhangi waawe omu biro by'obutsigazi bwawe, ebiro bibi bitakaizire, n'emyaka etakahikire ei origiriramu oti: Tinkigishemerererwamu, 2eizooba n'omushana n'okwezi n'enyonyoozi bitakashwekirwe mwirima, kandi n'ebicu bitakagarukire enjura yaatsya; 3#Kut 27:1. obunaku obu abarizni b'enju baritetema, n'emanzi zikabundabunda, abasi bakarereera ahabw'okuba bakye, n'abarikuringuririza omu dirisa amaisho gakagiibwaho oruho; 4#Mub 2:8; Zab 141:3; Yer 25:10; Mik 7:5. enyigi ezirikureeba omu nguuto zikakingwa, okugamba kw'emengo kukaba kukye, omuntu akasisiimurwa eiraka ry'enyonyi, kandi n'abaishiki boona abeeshongozi bakagarurwa ahansi; 5#Yob 17:13; Enf 26:13; Yer 9:17. baryatiina ekiri ahaiguru, kandi ebirikutiinisa biryaba biri omu muhanda; omurozi guryarabya, eseeneene ziryarusya, n'ebirikwetengwa biryahwaho, ahabw'okuba omuntu aryaba naaza omu ka y'entuura, n'abarikucura nibazengyerera omu nguuto; 6#Zek 4:2, 3. akagoye k'efeeza katakacwekire, orwbya rw'ezaabu rutakaatikire, enyungu etakaatikiire ha nshuro, enziga etakahendekyeire ha iziba, 7#Mub 3:20, 21; Kut 2:7; 3:19; Zek 12:1. omucuucu gukagaruka omu itaka, nk'oku gwabaire guri, n'amagara gakagaruka ahari Ruhanga owaagahaire. 8#Mub 1:2. Atyo Omubuurizi yaagaruka yaagira ati: Ni busha bwa busha; byona ni busha!

Omugasho gw'okutiina Ruhanga

9 # 1 Bag 4:32; Enf 1:1. Bwanyima kandi Omubuurizi, ahabw'okuba omunyabwengye, yaagumizamu kwegyesa abantu okumanya; yaateekateeka enfumu nyingi, yaazeetegyereza, yaazitebeekanisa. 10Kandi Omubuurizi yaasherura ebigambo ebirikushemeza, yaahandiika ebigambo by'amazima n'omutima gugororokire. 11#Isa 22:23. Ebigambo by'abanyabwengye ni nk'emihunda, kandi ebigambo by'Omuriisa omwe ebiteerainwe hamwe ni nk'emisumaari ehamire. 12Kandi mwana wangye, oyerinde ekintu kyona ekitari ebyo. Okuhandiika ebitabo bingi tikugira bugarukiro, n'okwega munonga kurusya.

13 # Bir 10:12, 13. Oku nikwo kuhendera ebigambo; ahabw'okuba byona bikahurirwa. Tiina Ruhanga, oyorobere ebiragiro bye; ahakuba ekyo kyonka nikyo omuntu ashemereire kukora; 14#Mub 3:17; 11:9; Mat 12:36. ahabw'okuba Ruhanga aryacwera orubanja ekintu kyona ekyakozirwe, n'ekintu kyona ekyasherekirwe, yaaba kirungi nari kibi.

Currently Selected:

Omubuurizi 12: RR64

Highlight

Copy

Compare