Zaaburi 78
78
Ebirikwijutsya oku Ruhanga yaayebembeire abantu be omu rugyendo rwabo
Zaaburi ya Asafu eyagunzirwe n'obwegye
1 #
Zab 49:1; Isa 51:4. Imwe bantu bangye 'mwe, nimuhurire okwegyesa kwangye,
Mutege amatu ebigambo, ebirikuruga omu kanwa kangye.
2 #
Zab 49:4; Mat 13:35. Ndyayashamya akanwa kangye, ncwe enfumu;
Ngambe ebitarikushobooroka ebya ira,
3 #
Zab 44:1. Ebi twahuriire tukamanya,
Ebi baatatenkuriitwe baatugambiire.
4 #
Kur 12:26, 27; Bir 4:9; Yos 4:6, 7. Tituribishereka baana baabo,
Kureka turyagambira ab'obusingye oburiija
Eby'ekitiinisa ebi MUKAMA yaakozire n'amaani ge,
N'eby'okutangaaza ebi yaakazire.
5 #
Zab 147:19. Ahakuba akataho eby'okumuhamya omuri Yakobo,
Yaaragiira ekiragiro omuri Israeli,
Ebi yaaragiire baatatenkuriitwe kwegyesa abaana baabo,
6 #
Zab 102:18. Ngu ab'obusingye oburiija babimanye, nibo baana abarizaarwa,
Bakaimuka, bakabigambira abaana baabo;
7 #
Zab 105:45. Ngu babone kwesiga Ruhanga, n'okuteebwa mirimo ye,
Kureka boorobere ebiragiro bye;
8 #
Kur 32:9; 2 Bag 17:14; Yer 5:23. Kandi barekye kuba nka baishenkurubo
Ab'obusingye obugangaire obw'obugomi,
Abaabaire baine emitima etahamiire hamwe,
Kandi abaagizire omwoyo ogutarikwesigwa ahari Ruhanga.
9Abefuraimu, abaabaire bahagatiire amata,
Bakahunga aha izooba ry'orugamba.
10 #
2 Bag 17:15. Tibararinzire ndagaano ya Ruhanga,
Bakanga kugyenda nk'oku ebiragiro bye biri.
11 #
Zab 106:13; Isa 17:10; Yer 2:32. Baayebwa ebi yaakozire,
N'eby'okutangaaza ebi yaaboorekire.
12 #
Kur 7:8—12:32. Akakora eby'okutangaaza omu maisho ga baishenkurubo,
Omu nsi ya Misri n'omu mariisizo ga Zoani.
13 #
Kur 14:21; 15:8. Yaabaganisa enyanja, yaagibarabyamu,
Yaayemereza amaizi, gaaba nk'omugongo.
14 #
Kur 13:21. Nyomushana abeebembeza ekicu,
Kandi nyekiro abeebembeza omuriro gurikwaka.
15 #
Zab 105:41; Kur 17:6; Kub 20:11; Isa 48:21. Akaata enkiri omu ihamba,
aabanywaisa amaizi maingi nk'agarikuruga aha nshuro z'okuzimu.
16Akaigura enshuro omu rukiri,
amaizi gaahimintika nigashuuma nk'emigyera.
17 #
Bir 9:22; Isa 63:10; Heb 3:16. Kwonka baayeyongyera kumucumuraho,
Nibagomera Rukira-boona bari omu ihamba.
18 #
Zab 106:14; Kur 17:2; Kub 11:4; Bir 6:16; 1 Kor 10:9. Baagyeza Ruhanga omu mitima yaabo,
Nibamushaba eby'okurya ebi baayetengire.
19 #
Zab 23:5; Kur 16:3; Kub 21:5. Baagamba nibagaya Ruhanga, nibagira bati:
Ebyo Ruhanga naabaasa kutugaburira eby'okurya omu ihamba?
20N'eky'amazima akateera orukiri, amaizi gaahimintika, emigyera yaashandaara,
Beitu naabaasa kuha abantu be eby'okurya, abahe n'enyama?
21 #
Zab 95:10; Kub 11:1. N'ahabw'ekyo MUKAMA ku yaakihuriire, yaakwatwa ekiniga;
Omuriro gwahembwa kwotsya Yakobo,
Ekiniga kyacumbuukira israeli;
22Ahabw'okuba tibaraikiriize Ruhanga, n'obu kwakuba okwesiga okujuna kwe.
23 #
Kut 7:11; Mal 3:10. Kwonka yaaragiira ebicu by'omu iguru,
Yaigura enyigi z'eiguru,
24 #
Kur 16:4; Neh 9:15, 20; Yoh 6:31; 1 Kor 10:3. Taabagwisiza emaanu ey'okurya,
Taaguma naabaha engano z'eiguru.
25Abantu baarya aha mugaati gw'ekinyamaraika,
Yaabagaburira, baahaaga.
26 #
Kub 11:18-20, 31. Yaareeta omuyaga gw'oburugwa-izooba, gwahuuha omu iguru,
Ahabw'amaani ge yaahabura omuyaga gw'obukiizi-bwa-buryo;
27Taabagwisiza enyama nyingi nk'omucuucu,
Endahi ezirikwingana nk'omusheenyi gw'omu nyanja;
28Taazigwisa ahagati omu nsiisira zaabo
Embaju zoona ez'amahema gaabo;
29Batyo baarya, baahaagira kimwe;
Ahjakuba akabaha eki baayetengire;
30 #
Kub 11:33, 34. Kwonka ku baabaire batakahweire kwetenga,
N'enyama zikiri omu kanwa kaabo,
31Ekiniga kya Ruhanga kyabagwaho,
Kyabitamu ab'amaani,
Kyahwerekyereza abatsigazi ba Israeli.
32 #
Kub 14:1-4, 11. Kwonka ebyo byona n'obu biraabe byabaireho, bakaguma nibashiisha,
Tibaikiriza by'okutangaaza ebi yaakozire.
33 #
Kub 14:29, 35; 26:64, 65. N'ahabw'ekyo yaafiisa ebiro byabo busha,
N'emyaka yaabo baagimara baine obwoba.
34 #
Zab 63:1; Hos 5:15. Ku yaabaire abaita, bamusherura;
Beeteisa, beezirika kusherura Ruhanga.
35 #
Bir 32:4, 15. Kandi baijuka ku Ruhanga ari orukiri rwabo,
Ruhanga Rukira-boona ku ari Omucunguzi waabo.
36 #
Isa 29:13; 57:11; Ezk 33:31. Kwonka bamuha ekitiinisa ky'aha minwa,
Nibamubiha n'endimi zaabo;
37 #
Zab 51:10; Byak 8:21. ahakuba emitima yaabo ekaba etamuhamiireho,
Kandi batari beesigwa ha ndagaano ye.
38 #
Zab 86:15; Neh 9:17; Kub 14:20; Kur 34:6. Kwonka We ahabw'embabazi ze nyingi
Taabasaasira okutahikiirira kwabo,
Tiyaabahwerekyereza;
Kaingi akaba ayezibira kubagwerwa kubi,
Areka kubamariraho ekiniga kye kyona.
39 #
Kut 6:3; Yob 7:7; Yak 4:14. Aijuka ku bari abantu-buntu,
Nk'omuyaga oguhingura, gutagarukye.
40Ka ni kaingi obu baamugomera omu ihamba,
Bakamugwisiza kubi ahatatuurwa bantu!
41 #
Zab 71:22. Bakaguma nibamugyeza,
Baakwatsa ekiniga Orikwera wa Israeli.
42 #
Bar 8:34. Tibaijuka bushoboorozi bwe,
N'obu ryakuba eizooba eri yaabakiriizeho abazigu baabo,
43 #
Zab 105:27-36. Obu yaakora obumanyiso omuri Misri,
N'eby'okutangaaza omu mariisizo ga Zoani.#Kur 7:3; 11:9, 10.
44 #
Kur 7:17-21. Akahindura emigyera yaabo eshagama,
Tibaabaasa kunywa maizi gaayo.
45 #
Kur 8:2-14, 21-24. Taabateeza emizinga y'enshohera, zaabaruma,
N'ebikyere ebyabahwerekyereize.
46 #
Kur 10:12-15. Yaariisa emisiri yaabo kanyananga,
N'ebi baahingire yaabiriisa enzigye.
47 #
Kur 9:22-25. Yaateeza emizaabubu yaabo orubaare,
N'emisikamoori yaabo yaagiitsa embeho y'enyababa.
48 #
Kur 9:19-21. Yaareka ente zaabo, zaateerwa orubaare,
N'asyo gaabo gaateerwa enkuba.
49 #
Kur 12:13, 23; 2 Sam 24:16. Taabashukaho ekiniga kye kingi,
Okuguubwa kubi, okutamwa, n'enaku,
Nigwo mutwe gwa baamaraika abarikuhwerekyereza.
50akacwera ekiniga kye ekirarai,
Tiyaabakiza kufa, kureka yaahayo amagara gaabo kubonabonesibwa.
51 #
Zab 105:23, 36; Kur 12:29. Yaita emijigaijo yoona omuri Misri,
Abaana b'amaani gaabo ag'okubanza omu mahema ga Haamu.
52 #
Zab 77:20. Kwonka abantu be yaabeebembera nk'entaama, naabashohoza,
Yaabahabura, naabarabya omu ihamba nk'amasyo g'entaama.
53 #
Kur 14:13, 19, 20, 27, 28. Yaabeebembera gye, tibaatiina;
Kwonak enyanja yaamira abazigu baabo.
54 #
Zab 68:16; Kur 15:17. Taabahitsya aha mwatano gw'ensi ye erikwera,
N'aha kibungo, eki yaakubwire n'omukono gwe gwa buryo.
55 #
Zab 44:2; Yos 23:4. Yaabingamu amahanga, gaabahunga;
Yaagibabaganisiza kuba obuhunguzi bwabo,
Yaata enganda za Israeli omu mahema gaabo.
56 #
Bar 2:11, 12. Kwonka baagyeza Ruhanga Rukira-boona, baamugomera,
Tibaata mutima aha bi yaahamize;
57 #
Hos 7:16. Kureka baagaruka enyima, baagobya nka baishenkurubo;
Baategama nk'obuta obureebya nyinabwo;
58 #
Lev 26:30; Bir 12:3; 31:29; 32:16; Ezk 20:28. Ahabw'okuba bakamukwatsa ekiniga n'emyanya yaabo mikuru ey'okuramizamu,
Baamwitsya eihari n'ebishushani byabo ebibaizire.
59 #
Zab 106:40. Ruhanga ku yaakihuriire, yaagira ekiniga kingi,
Yaayangira kimwe Israeli;
60 #
Yos 18:1; 1 Sam 4:11; Yer 7:12-14. N'ahabw'ekyo yaatsigaho eihema rye omuri Shiilo,
Eri yaabaire atuuramu omu bantu,
61 #
1 Sam 4:21. Yaahayo eshanduukye y'amaani ge kunyagwa,
Kandi ey'ekitiinisa kye omu mikono y'abazigu.
62 #
1 Sam 4:10. Yaareka abantu be kwitwa rurara,
Yaagirira obuhunguzi bwe ekiniga.
63 #
Zab 89:46; Yer 7:34. Omuriro gwayokyeza kimwe abatsigazi baabo,
N'abaishiki baabo tibaagaruka kweshongorera ha bugyenyi.
64 #
1 Sam 4:11; Yob 27:15. Abanyamurwa baabo baitwa rurara,
N'abafaakzi baabo tibaabacurira.
65 #
Zab 73:20; Isa 42:13. Bwanyima Mukama yaasisiimuka nk'owaaba agwejegyeire,
Nk'omushaija ow'amaani orikuyombesibwa viinyo;
66Yaateera abazigu be, yaabagarura enyima,
Yaabataho ekihemu eky'ebiro n'ebiro.
67Kandi yaayanga eihema rya Yosefu,
Tiyaatoorana ruganda rwa Efuraimu;
68 #
Zab 87:2. Kureka yaatoorana orwa Yuda,
N'ekibungo Saayuuni eki akunda.
69 #
1 Bag 6:1-14. Yaayombeka Omwanya gwe ogurikwera gwaba nk'enshozi ndaingwa,
Kandi gwaguma nk'ensi ei yaahamiize kimwe.
70 #
1 Sam 16:11-13. Yaatoorana Daudi omwiru we,
Yaamwiha omu ntaama,
71 #
2 Sam 5:2; 7:8; Mik 5:2-4. Omu kuriisa ebuguma ezirikwontsya
Ngu ariise Yakobo abantu be, na Israeli obuhunguzi bwe.
72 #
Zab 101:2; 1 Bag 9:4. Yaabariisa n'omutima gw'amazima,
Yaabeebembeza obwengye bw'emikono ye.
Currently Selected:
Zaaburi 78: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
