Zaaburi 77
77
Okwijuka oku Ruhanga yaakozire eby'okutangaaza omu biro ebya ira
Aha Mukuru w'abeeshongozi omu muringo gwa Yedusuuni. Zaaburi ya Asafu
1 #
Zab 3:4. Ka ntakire Ruhanga n'eiraka ryangye,
Ka mmutakire n'eiraka rihango, naija kumpurira.
2 #
Zab 50:15; 86:7; 143:6; Isa 26:9. Aha izooba eri naareebeireho enaku, nkasherura Mukama;
Naimutsya emikono yangye nyekiro, tinaaruha;
amagara gangye gaayanga kuhuumuzibwa.
3 #
Zab 43:5; 61:2; 142:3; 143:4. Ku nyijuka Ruhanga, nyemereza omutima,
Ngira amaganya, omutima gwangye gugwa enshazi.
4Ozibira amaisho gangye kuteerana;
Nyine enaku; tindikubaasa kugamba.
5 #
Zab 143:5; Bir 32:7; Isa 51:9. Nteekateekire ebiro ebya ira,
N'emyaka eya iranaira.
6 #
Zab 4:4; 42:8. Naijuka ekyeshongoro kyangye kya nyekiro;
Naateekateeka munonga, omutima gwangye gwayezirika kwecaaka.
7 #
Zab 44:9. Mukama aryanagira kimwe?
Tarigaruka kugira embabazi obundi?
8 #
Yer 15:18; Rom 9:6. Okusaasira kwe kuhwereireho kimwe ebiro byona?
Ebi yaaraganiise biryaguma bibuzire obutwire bwona?
9 #
Isa 49:15; Hab 3:2. Ruhanga ayebirwe okugira embabazi?
Aimire embabazi ze nyingi ahabw'ekiniga?
10 #
Yer 10:19. Bwanyima naagira nti:
Ebyo nibiruga omu bweremwa bwangye;
Okuteekateeka ngu omukono gwa buryo ogwa Rukira-boona niguginduka!
11 #
Zab 105:5. Ndyaijutsya abantu ebi MUKAMA yaakozire.
Kandi ndyaijuka eby'okutangaaza byawe ebya ira.
12Ndyateekateeka munonga aha murimo gwawe gwona,
Ngumye ebiteekateeko byangye aha bikuru ebi waakozire.
13 #
Zab 35:10. Omuhanga gwawe, ai Ruhanga, nigwera.
N'oha ruhanga omukuru orukwingana na Ruhanga waitu?
14 #
Zab 72:18; 106:8. Niiwe wenak Ruhanga okora eby'okutangaaza;
Okooreka amaani gaawe omu mahanga;
15Waacungura abantu baawe n'omukono gwawe,
Nibo baana ba Yakobo na Yosefu.
16 #
Zab 114:3; Hab 3:10; Yos 3:15, 16; Kur 14:21. Amaizi gakakureeba, ai Ruhanga;
Ku gaakureebire, gaatiina; ahagati omu maizi maingi haatetema.
17 #
Zab 18:14. Ebicu byashuka amaizi, eiguru ryahinda;
Emyambi yaawe yamurinkana hoona;
18 #
Zab 97:4; 104:7. Eiraka ry'okuhinda kwawe ryaizira omu kasooroora;
Emirabyo yaawe yaamurika ensi yoona;
Ensi yaatetema, yaatengyeta.
19 #
Hab 3:15. Omuhanda gwawe gukaba guri omu nyanja,
N'otuhanda twawe nituraba omu maizi maingi;
Ahi ebigyere byawe byarabire, tiharamanyirwe.
20 #
Kur 13:21; Isa 63:11, 12. Ahabw'omukono gwa Musa na Arooni
Okeeebembera abantu baawe nk'obusyo bw'entaama.
Currently Selected:
Zaaburi 77: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
