Zaaburi 79
79
Oku hekalu ya Mukama yaasiisirwe
Zaaburi ya Asafu
1 #
Zab 74:2, 7; 2 Bag 25:9; Yer 26:18; Tonz 1:10. Ai Ruhanga, abanyamahanga bataahire omu buhunguzi bwawe,
Baashiisha hekalu yaawe erikwera,
Baashenya Yerusaalemu, baagihindura omutuumo.
2 #
Bir 28:26; Yer 7:33. Emitumbi y'abairu baawe bagihaire enyonyi z'omu mwanya kugirya,
Baagaburira enyamaishwa z'omu nsi emibiri y'abarikwera baawe.
3 #
Yer 14:16. Baseesire eshagama yaabo nk'amaizi okwkehinguririza Yerusaalemu;
Kandi tibaine kiziika.
4 #
Zab 44:13; Dan 9:16. Ahari bataahi baitu tuhindukire ekijumo,
Kandi abatwehinuririize nibatushekyerera, nibatugaya.
5 #
Zab 13:1; Bir 29:20; Ezk 36:5. Oryahitsya hi, ai MUKAMA okutugirira ekiniga ebiro byona?
Eihari ryawe riryayaka nk'omuriro?
6 #
Zab 14:4; Yer 10:25; Zef 3:8. Shuka ekiniga kyawe aha mahanga agatarikukumanya,
N'aha bugabe obutatakira iziina ryawe;
7Ahabw'okuba bamizire Yakobo,
N'ahu atwire baahahindura eitongo.
8 #
Zab 116:6; Isa 64:9; Yer 11:10. Otaijuka eby'okutahikiirira bya baatatenkuriitwe, okabitutura;
Okusaasira kwawe kurahukye kutuhikaho,
Ahabw'okuba tugarwirwe ahansi munonga.
9 #
Zab 23:3; Yer 14:7. Ai Ruhanga ow'okujunwa kwaitu, otuhwere
Ahabw'ekitiinisa ky'eiziina ryawe;
Otujune, oshwekye ebibi byaitu ahabw'eiziina ryawe.
10 #
Zab 42:3; 94:1. Ahabw'enki abanyamahanga nibagira bati: Ruhanga waabo arahi?
Okuhoora enzigu ahabw'eshagama y'abairu baawe eyaasheeshekire
Kumanywe omu banyamahanga, naitwe tukireebe.
11 #
Zab 102:20. Okutsinda kw'embohe kukuhikyeho;
Ahabw'amaani gaawe maingi okize abateekateekyeirwe okufa.
12 #
Lev 26:21, 28; Isa 65:6, 7. Oihure bataahi baitu emirundi mushanju ebijumo
Ebi baakujumire, ai Mukama!
13 #
Zab 74:1; Isa 43:21. Naitwe abantu baawe, entaama z'omu iriisizo ryawe,
Turyakusiima ebiro byona,
Tumanyise ab'obusingye bwona okuhimbisibwa kwawe.
Currently Selected:
Zaaburi 79: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
