Zaaburi 76
76
Okuhimbisibwa kwa Ruhanga ahabw'okujuna Saayuuni
Aha Mukuru w'abeeshongozi, Zaaburi ya Asafu ei baayeshongoroire aha nanga y'emirya
1Omuri Yuda Ruhanga naamanywa;
Eiziina rye ni rukuru omuri Israeli.
2 #
Zab 9:11; 27:5; Kut 14:18. Eihema rye riri omuri Saalemu,
Kandi atuura omuri Saayuuni.
3 #
Zab 46:9; Ezk 39:9. Okwo niyo yaahendeire emyambi y'obuta,
Engabo, na rurara, n'eby'okurwanisa omu rugamba.
4Ori ow'ekitiinisa, kandi ori murungi okukira boona,
Otabaarukire aha bibungo ebiriho eminyago.
5 #
Zab 13:3; Yer 51:39; Nah 3:18. Ab'omutima gw'obumanzi banyagirwe,
Bagwejegyeire obutasisiimuka,
Abarwani boona tibabaasize kwerwanaho n'emikono yaabo.
6 #
Kur 15:1. Ahabw'okuhana kwawe, ai Ruhanga wa Yakobo,
Embaraasi n'abarikuzigyenderaho bagwejengyeire obutaimutsya mutwe.
7 #
Zab 130:3; Yob 41:10; Nah 1:6. Kwonka Iwe ori ow'okutiinisa!
N'oha orikubaasa kukwemerera omumaisho waagira ekiniga?
8 #
2 Bus 20:29, 30; Hab 2:20. Okeema omu iguru, waamanyisa oku waacwire orubanja,
Ensi yaatiina, yaacureera,
9 #
Zab 9:7, 8. Ruhanga ku yaimukire kucwa orubanja,
N'okujuna boona abarikubonabonesibwa omu nsi.
10 #
Kur 9:16. Buzimazima ekingia ky'abantu kiryakuhimbisa,
N'ekiniga ekiritsigaraho oryakizibira.
11 #
Zab 50:14; 68:29; 89:7; Mub 5:4; Isa 8:13. Ohigye ahari MUKAMA Ruhanga waawe, kandi ohikiirize okuhiga kwawe;
Boona abamwehinguririize bareete emitoijo
ahari Ogwo oshemereire kutiinwa,
12 #
Zab 47:2. Niwe ahwerekyereza amagara g'abanyiginya,
Kandi otiinisa abagabe b'ensi.
Currently Selected:
Zaaburi 76: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
