Zaaburi 75
75
Oku Ruhanga acwa emanja omu bwinganisa
Aha Mukuru w'abeeshongozi, omu iraka eririkwetwa Otahwerekyereza. Zaaburi ya Asafu ei baayeshongoire
1 #
Zab 145:18. Nitukusiima, ai Ruhanga; nitukusiima;
ahakuba eiziina ryawe riri haihi;
Abantu nibagamba eby'okutangaaza ebi waakozire.
2 #
Zab 102:13; Dan 8:19; Hab 2:3. Omu bunaku obu nditaho,
Ndyacwa emanja omu mazima.
3 #
1 Sam 2:8; Isa 24:9. Ensi n'abagituuramu n'obu biraabe nibitengatenga kugwa,
Kwonka niinye mpamya enyomyo zaayo.
4 #
Zab 94:4; Zek 1:21. Nkagambira abanyamaryo nti: Mutagira amaryo;
N'ababi nti: Mutaimutsya amahembe gaanyu.
5Mutaimutsya amahembe gaanyu; mutagamba mugangaize ebitsya.
6 #
Zab 3:3. Mumanye ngu okukuzibwa tikuruga burugwa-izooba,
Nari oburengyerwa-izooba, n'obu bwakuba obukiizi-bwa-buryo;
7 #
Zab 50:6; 1 Sam 2:7; Dan 2:21; Luk 1:52. Kureka Ruhanga niwe mucwi w'emanja,
Ogarura ahansi omwe, akatunguura ondiijo.
8 #
Zab 73:10; Yob 21:20; Yer 25:15; Kush 14:10. Ahakuba omu mikono gwa MUKAMA harimu ekikopo,
Ekirimu viinyo etimbwire erikubira; aryagishuka;
Buzima ababi boona ab'omu nsi baryaginywa, bagimaremu,
Bacence n'ebikanja byayo.
9Kwonka nyowe ndyashemererwa ebiro byona;
Nyeshongore eby'okuhimbisa Ruhanga wa Yakobo.
10 #
Zab 89:17; 1 Sam 2:1; Yer 48:25. Amahembe goona ag'ababi aryagatemaho,
Kwonka amahembe g'abahikiriire garyaheebwa ekitiinisa.
Currently Selected:
Zaaburi 75: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
