Zaaburi 74
74
Okushaba kw'ab'omu nsi ecwekyereziibwe. Ruhanga okubagarura obusya
Zaaburi ya Asafu eyaagunzirwe n'obwengye
1 #
Zab 44:9; 95:7; 100:3; Bir 29:20; Yer 23:1; Ezk 34:31. Ai Ruhanga, ahabw'enki otunagire ebiro byona?
Ahanki ekiniga kyawe nikibuguma aha ntaama z'omu iriisizo ryawe?
2 #
Zab 9:11; Kur 15:16; Isa 63:9, 17. Ijuka omutwe gw'abantu baawe abu waaguzire ira,
Abu waacungwire kuba oruganda rw'obuhunguzi bwawe,
N'orushozi Saayuuni oru waatwireho.
3Imuka oze omu mwanya ogwahindukiire kimwe amatongo,
Oreebe obubi bwona obu abazigu baakozire omu Mwanya ogurikwera.
4 #
Tonz 2:7. Ababisha baawe bakatontomera ahagati y'enju yaawe ey'okuteeraniramu;
Baahanika endango zaabo kuba obumanyiso.
5 #
Yer 46:22. Aha irembo rya ruguru baatemagura
Orugo rw'obubaaho bwogainemu n'empango zaabo.
6 #
1 Bag 6:18, 29-35. Nk'abantu abakwaitse empango nibatema emiti y'omu kibira,
Nikwo baashatagwire n'empango n'enyondo ebintu ebisharwire;
7 #
Zab 79:1; 2 Bag 25:9. Baayotsya Omwanya gwawe ogurikwera,
Kandi ahi Eiziina ryawe rituura baahashiihsa nibahasheenyagura.
8Baagira omu mitima yaabo bati: Ka tubahwerekyerereze kimwe!
Baayotsya sinagogi za Ruhanga zoona omu nsi.
9 #
1 Sam 3:1; Tonz 2:9; Mik 3:6; Mat 16:4. Titukireeba bumanyiso bwaitu;
Tihaakiriho nabi n'omwe,
Kandi tihariho n'omwe ahariitwe orikumanya ahi ebi birigarukira.
10Ai Ruhanga, ababisha baryahitsya hi okutujuma?
Abazigu baryaguma barogote aha Iziina ryawe ebiro byona?
11 #
Tonz 2:3. Ahabw'enki ohinyire omukono gwawe, omukono gwawe gwa buryo?
Gwihe omu kifuba kyawe, obahwerekyereze.
12 #
Zab 44:4. Kwonka Ruhanga niwe Mukama wangye okwiha ira ryona,
Otuura naakora eby'okujuna omu nsi.
13 #
Kur 14:21; Isa 51:9. Okabaganisa enyanja n'amaani gaawe,
Waayatagurira kimwe emitwe y'ebijoka omu maizi;
14 #
Yob 41:1; Isa 27:1. Niiwe waayatagwire emitwe ya Leviasaani,
Okagiha enyamaishwa z'omu ihamba kugirya.
15 #
Zab 105:41; Isa 48:21; 51:10; Kur 17:5, 6; Kub 20:11; Yos 4:23. Okaigura enshuro n'obugyera,
Waayomya emigyera etooma.
16 #
Kut 1:14-16. Nyomushana n'eyaawe, kandi na nyekiro n'eyaawe;
Niiwe waataireho omushana n'eizooba.
17 #
Kut 8:22; Bir 32:8; Byak 17:26. Niiwe waataireho emyatano yoona ey'ensi.
Kandi okataho ekyanda n'eitumba.
18 #
Zab 89:50. Ijuka eki, ai Ruhanga, oku abazigu barikukujuma,
Nk'oku abantu abashema barikurogota aha Iziina ryawe.
19Otaha enyamaishwa amagara g'enkombe yaawe;
Oteebwa amagara g'abooro baawe ebiro byona.
20 #
Zab 106:45; Kut 17:7; Lev 26:44, 45; Yer 33:21. Ta omutima aha ndagaano yaawe;
ahabw'okuba emyanya y'omwirima omu nsi eijwire obutaaho bw'abanyamwaga.
21 #
Zab 6:10; 9:9. Otaikiriza abarikubonabonesibwa kuhemurwa;
Abooro n'abakyene bahimbise Eiziina ryawe.
22 #
1 Sam 24:15. Imuka, ai Ruhanga, oyetonganire;
Oijukye oku abashema barikukujuma okurenzya eizooba.
23 #
Zab 65:7. Oteebwa orwari rw'abazigu baawe,
N'okujagarara kw'abakugomeire oku baimutsya obutoosha.
Currently Selected:
Zaaburi 74: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
