Zaaburi 73
73
EKITABO KYA KASHATU
Okugwa gye kw'ababi n'omuheru gwabo
Zaaburi ya Asafu
1 #
Zab 24:4. Buzimazima Ruhanga ni murungi aha Baisraeli
Abaine emitima eshemeire.
2Kwonka nyowe, ebigyere byangye bikaba byatereire,
Nkaba ndi haihi kugwa;
3 #
Zab 37:1; Yob 21:7. Ahakuba ku naareebire okugogyeera kw'ababi,
Naagirira abanyamaryo eihari.
4Ku baba nibafa, tibashaasha,
Batuura bari gye, kandi bagomokire.
5Tibareeba naku nk'abandi,
N'obu kwakuba okugwerwa akagwe nkabo.
6 #
Zab 109:18. N'ahabw'ekyo amaryo gaba nk'orukwanzi omu bitsya byabo;
N'omwaga gubashweka nk'eky'okujwara.
7 #
Zab 17:10. Amaisho gabahwererera omu mutwe ahabw'okugomoka;
N'emitima yaabo egira ebiteekateeko by'obushema ebirengyesereize.
8Bashekyerera abandi, bagamba eby'eitima,
Omu maryo gaabo bakangisa abantu ku barikwija kubabonabonesa.
9Akanwa kaabo kagamba eby'okujuma eiguru,
N'orurimi rwabo rugyendagyenda omu nsi nirugamba eby'okwehimbisa.
10N'ahabw'ekyo abantu bahinduka, babasiima,
Babura ekibi ki babareebamu;
11 #
Zab 10:11; Yob 22:13. Kandi bagira bati: Ruhanga naakimanya ata?
rukira-boona aine eki arikumanya?
12Reeba, ababi n'aba;
Kandi ahabw'okugira obusingye obutoosha, beeyongyera kugira obutungi.
13 #
Zab 26:6; Yob 21:15; 34:9; Mal 3:14. Nkeeruhiza busha kushemeza omutima gwangye,
N'okunaabisa engaro zangye omu kutashiisha;
14 #
Kush 3:19. ahakuba ndenzya eizooba nimbonabonesibwa,
Kandi buri kasheeshe mpeebwa ebiheneso.
15Kuri naagizire nti: Ka ngambe ntyo,
Nkaagobeize ab'obusingye bw'abaana baawe.
16Ku naateekateekire oku ndaashoborokyerwe ekyo,
Kikandusya, kyandema,
17 #
Zab 37:38. Okuhitsya obu naagiire omu Mwanya gwa Ruhanga ogurikwera;
Nkateekateeka ebiribabaho aha muheru.
18 #
Zab 35:6. Buzimazima obata aharikuterera,
Obagwisa, bahwrekyerera.
19 #
Yob 18:11. Ka bahindukire eitongo omu mwanya mukye!
Ebirikutiinisa bibamariireho kimwe.
20 #
Zab 78:65; Yob 20:8. Nk'oku ekirooto kiba omuntu yaasisiimuka,
Ku oriimuka, ai Mukama,
Nikwo origaya otyo ebiteekateeko ebitariho.
21Ahakuba omutima gwangye gukagwisibwa kubi,
Naacumitwa omunda yangye;
22 #
Yob 18:3. Naaba omushema, otaine ki arikumanya,
Naaba nk'enyamaishwa omu maisho gaawe.
23 #
Zab 63:8. Kwonka nyowe ndi hamwe naiwe obutoosha;
Okwaitse omukono gwangye gwa buryo.
24 #
Zab 32:8; 49:15; Yoh 14:3. Oryampabura n'obwengye bwawe,
Kandi aha muheru oryantaasya omu kitiinisa.
25 #
Zab 16:2; Isa 26:8; Fil 3:8. N'oha ou nyine omu iguru kureka Iwe?
Tihariho ondiijo weena aha nsi ou nyiniire orushusho kureka Iwe.
26 #
Zab 16:5; 84:2. omubiri gwangye n'omutima gwangye n'obu byakuhwaho,
Kwonka Ruhanga niwe rukiri oru omutima gwangye guhungiraho,
Kandi niwe omugabo gwangye ebiro n'ebiro.
27 #
Zab 106:39; Kur 34:15; Yak 4:4. Abakuza hare baryahwerekyerera;
Omariraho kimwe abakutsigaho, bakeegyendera.
28 #
Zab 14:6; 118:17; Heb 10:22; Yak 4:8. Kwonka ekirungi ahariinye n'okwirira haihi Ruhanga;
Mukama RUHANGA mmuhindwire obweshereko bwangye,
Mbone kumanyisa abantu ebi waakozire byona.
Currently Selected:
Zaaburi 73: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
