Zaaburi 72
72
Zaaburi y'okushabira abagabe
Zaaburi ya Sulemaani
1 #
1 Bus 22:12. Ohe omugabe okucwa emanja omu buryo bwawe, ai Ruhanga,
N'omwana we omuhe okuhikiirira kwawe.
2 #
Isa 11:4; 32:1. Aryacwera abantu baawe emanja omu kuhikiirira,
N'abooro baawe omu buryo.
3 #
Isa 32:17. Ebibungo n'otubungo biryareetera abantu obusingye omu kuhikiirira.
4Aryacwera abooro b'omu bantu emanja,
Ajune abaana b'abakyene,
Kandi acwanyagure orikubonabonesa.
5 #
Zab 89:36, 37; Yer 31:35, 36. Baryakutiina obusingye bwona,
Eizooba n'okwezi bikiriho.
6 #
Bir 32:2; 2 Sam 23:4; Amo 7:1. Aryaija nk'enjura erikugwa aha bunyaatsi butemire,
Nk'orutoonyerera orurikutoonyerera aha itaka.
7 #
Zab 92:12; Isa 2:4; Efe 2:14. Omu biro bye abahikiriire baryagogyeera,
Bagire obusingye bwingi okuhitsya obu okwezi kuriburira kimwe.
8 #
Zab 2:8; Kur 23:31; Zek 9:10. Aryategyeka okuruga aha nyanja okuhika aha nyanja,
N'okuruga aha Mugyera omukuru okuhika aha muheru gw'ensi.
9 #
Zab 22:29; Isa 49:23. Abatuura omu ihamba baryamwinamira;
N'abazigu be baryarigatsa omucuucu.
10 #
Zab 68:29; 1 Bag 10:1, 22; Isa 43:3; 60:9. Abagabe ba Tarushiishi n'ab'omu birwa baryamutoijera;
N'abagabe ba Sheeba na Seeba baryamureetera ebiconco.
11 #
Isa 49:7. Eego abagabe boona baryagwa, bajuumare omu maisho ge,
N'amahanga goona gamuheereze;
12Ahakuba aryajuna omukyene, ku arimutakira,
N'omworo otaine kihwera.
13Aryasaasira abooro n'abakyene,
Kandi amagara g'enshoberwa agajune.
14 #
Zab 116:15; 2 Bag 1:13. Aryacungura amagara gaabo, agaihe omu kubonabonesibwa n'omu mwaga,
Kandi eshagama yaabo eryamubeera ey'obuguzi bwingi.
15 #
1 Bag 10:10. Aryagumaho; kandi baryamureetera ezaabu ya Sheeba;
N'abantu baryaguma nibamushabira,
Bamushabire omugisha eizooba ryona.
16 #
Yob 5:25. Haryabaho omweru mwingi omu nsi,
Emyaka eryakondakonda omu misiri omu bibungo;
Nk'ebiti bya Lebanooni.
N'abantu b'omu rurembo baryaba nk'obunyaatsi bw'omu ishwa oburabize.
17 #
Zab 104:31; Kut 12:3; Yer 4:2; Luk 1:48. Eiziina rye riryagumaho ebiro byona,
N'okurangaanwa kwe kuryagumaho, eizooba ku ririba rikiriho;
Kandi omuriwe abantu boona nimwo bariheerwa omugisha;
Amahanga goona garyamweta Oine omugisha.
18 #
Zab 41:13; Neh 9:5. MUKAMA asiimwe, niwe Ruhanga wa Israeli;
We wenka akora eby'okutangaaza.
19Kandi eiziina rye ery'ekitiinisa risiimwe ebiro byona;
Ekitiinisa kye kiijure ensi yoona.
Amiina, kandi Amiina!
20Eby'okushaba bya Daudi mwene Yese byagarukira aha.
Currently Selected:
Zaaburi 72: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
