Zaaburi 71
71
Okushaba kw'omugurusi n'okuhimbisa kwe
1 #
Zab 31:1-3. Ai MUKAMA, niiwe mpungiraho;
Otandeka kuhemurwa!
2Onjune ahabw'okuhikiirira kwawe, onkize;
Ontegye okutu, onjune!
3 #
Zab 90:1; 91:9; Bir 33:27. Ombeere orukiri rw'okutuuramu,
Omu ndaabaase kuguma nimpungira.
Okaragiira kunjuna;
ahakuba niiwe rukiri rwangye, kandi orugo rwangye orugumire.
4 #
Zab 140:1, 4. Ai Ruhanga wangye, onyihe omu mikono y'omubi,
Onsikure omu mikono y'omuntu enshaarizi otahikiriire.
5 #
Yer 17:7; Rom 15:13; 1 Tim 1:1. Ahakuba niiwe matsiko gangye, ai Mukama RUHANGA.
Ou naayesigire okwiha omu buto bwangye.
6 #
Zab 22:9, 10; Isa 46:3. Niiwe nyegamira okwiha obu naazaarwa;
Niiwe waanyihire omu nda ya maawe.
Niiwe ndiguma nimpimbisa.
7 #
Isa 8:18; 1 Kor 4:9. Ndi nk'eihano eririkutangaaza baingi,
Kwonka Iwe ori obuhungiro bwangye obugumire.
8 #
Zab 35:28. Akanwa kangye kaijura eby'okukuhimbisa,
N'eby'okukuha ekitiinisa eizooba ryona.
9Ku ndiba naabaire omugurusi, otarinnaga;
Kandi ku ndihwamu amaani, otarintisigaho!
10 #
Zab 56:6; 2 Sam 17:1, 2. Ahakuba abazigu bangye nibangambaho,
Abagwereire amagara gangye nibahanuura hamwe,
11Nibagira bati: Ruhanga amutsigireho;
Mumukurate, mumukwate;
Ahakuba taine kijuna.
12 #
Zab 10:1; 40:13. Ai Ruhanga, otanza hare,
Ruhanga wangye, rahuka kumpwera.
13 #
Zab 35:4. Ababisha b'amagara gangye bakwatwe enshoni, bamarweho;
Abarikwenda kunkora kubi bahindukye ekijumo, bagaywe.
14Kwonka nyowe ndyaguma n'amatsiko obutoosha,
Nyeyongyere kukuhimbisa buri izooba.
15 #
Zab 40:5. Akanwa kangye karyamanyisa eby'okuhikiirira kwawe,
N'eby'okujuna kwawe eizooba ryona;
ahakuba ni bingi, tindikubaasa kubibara.
16Ndyaija ngambe ebikuru ebi Mukama RUHANGA yaakozire;
Ndyahimbisa okuhikiirira kwawe wenka.
17Ai Ruhanga, okanyegyesa okwiha omu buto bwangye,
Kandi ninkigamba eby'okutangaaza ebi waakozire n'okuhitsya hati.
18 #
Isa 46:4. N'obu ndikura naamera enju, ai Ruhanga, otarintsigaho,
Okuhitsya obu ndimanyisa amaani gaawe ab'obusingye bwona oburikurataho.
19 #
Zab 35:10; 36:6; 126:2; 1 Sam 12:24; Luk 1:49. Kandi n'okuhikiirira kwawe, ai Ruhanga, kuri ahaiguru munonga;
Iwe Ruhanga owaakozire ebikuru, n'oha orikushushana naiwe?
20 #
Zab 60:3; 85:6; Hos 6:2. Iwe owaanyikiriize nkareeba enaku nyingi,
Oryagaruka, ompe amagara;
Onzoore, onyihe okuzimu.
21Oryanyongyeraho ekitiinisa,
Kandi ogarukye ompuumuze omutima.
22 #
Zab 33:2; 78:41; 2 Bag 19:22; Isa 60:9. Naanye ndyakuhimbisa n'enanga,
ahabw'okwesigwa kwawe, Ruhanga wangye;
Ndyayeshongora eby'okukuhimbisa n'endingiri,
Iwe Orikwera wa Israeli.
23 #
Zab 25:22. Ku ndyeshongora eby'okukuhimbisa,
eminwa yangye eryateera akaari k'okushemererwa,
Kandi n'amagara gangye agu waacungwire.
24 #
Zab 71:8. N'orurimi rwangye ruryagamba eby'okuhikiirira kwawe eizooba ryona;
ahakuba abarikwenda kunkora kubi bakwatsiibwe enshoni, baahemurwa.
Currently Selected:
Zaaburi 71: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
