Zaaburi 68
68
Ekyeshongoro ky'okusiima ahabw'obusinguzi bwa Mukama
Aha Mukuru w'abeeshongozi. Zaaburi ya Daudi ei yaayeshongoire
1 #
Zab 92:9; Kub 10:35; Isa 33:3. Ka Ruhanga aimukye, abazigu be bataataane!
N'abarikumwanga bamuhungye.
2 #
Zab 97:5; Mik 1:4. Obatuntumure nk'omwika;
Ababi bahwerekyererere omu maisho ga Ruhanga,
Nk'oku entsinda eyagira aha muriro;
3Kwonka abahikiriire bo bananukye;
Beesime munonga omu maisho ge;
Eego, bashemererwe n'okunanuka.
4 #
Zab 66:4; 89:8; Isa 40:3; 57:14; Hab 3:8. Mweshongorere Ruhanga, mweshongore eby'okuhimbisa eiziina rye;
Mwimutsye amaraka, mweshongorere Ogwo ogyendera aha bicu;
Eiziina rye ni Yehova; mwesiimire munonga omu maisho ge!
5 #
Zab 10:14; Bir 10:18. Ruhanga omu mwanya gwe ogurikwera ogu atuuramu
N'ishe w'efuuzi kandi omucwi w'emanja w'abafaakazi.
6 #
Zab 107:33; 146:7; 1 Sam 2:5; Byak 12:7; 16:26. Ruhanga aha amaka abataine ifo na ruguru;
Abohoorora embohe, ngu zitungye ebirungi,
Kwonka abagomi batuura omu nsi eyomire.
7 #
Kur 13:21; Bar 4:14. Ai Ruhanga, obu waayebembera abantu baawe,
Nooraba omu ihamba,
8 #
Kur 19:18; Bar 5:4. Ensi ekatengyeta, eiguru ryagwisa enjura habw'okwija kwawe,
Na Sinai yaatengyeta ahabw'okwija kwawe, iwe Ruhanga wa Israeli.
9 #
Zab 65:9, 10. Ai Ruhanga, okagwisa enjura y'omugisha aha buhunguzi bwawe,
Waabugaruramu amaani buruhire.
10Abantu baawe baabubonamu obutaaho;
Omu burungi bwawe, ai Ruhanga, waatungira abakyene eby'okubahwera.
11 #
Zab 33:9; 1 Sam 18:6; Kur 15:20. Mukama aha ekiragiro,
Abakazi abarikutwara amakuru n'eihe rihango.
12 #
Yos 10:16; Bar 5:30. Abagabe b'amahe bahunga, eego bahunga;
Abakazi abatsigara omuka babagana eminyago.
13 #
Bar 5:16. Ahabw'enki muraara omu kibuga ky'entaama,
Nk'amapapa g'enkombe agashwekirwe efeeza,
N'ebyoya byayo ebishwekirwe ezaabu?
14Obu Ow'obushoboorozi bwona yaabinga abakama baabo, bakataataana,
Orubaare rukaba nirugwa ahari Salumooni.
15Iwe orushozi rw'amaani, orushozi rwa Bashani,
Iwe orushozi rwa Bashani orwine emitwe mingi,
16 #
Zab 132:13, 14. Imwe enshozi ndaingwa, ahabw'enki mureebesa eihari
Orushozi oru Ruhanga yaasiimire kutuuraho?
N'ekya buzima, MUKAMA aryarutuuraho ebiro byona.
17 #
2 Bag 6:17. Ebigaari bya Ruhanga n'obukumi bubiri,
Enkumi n'enkumi;
Mukama akaija omu Mwanya ogurikwera, naaruga Sinai.
18 #
Bar 5:12; Byak 1:9; Efe 4:8; Kush 21:3. Okatemba orushozi ruraingwa,
Nootwara abu waanyagire bakukuratiire,
N'abandi bantu baakureetera emitoijo,
Nangwa n'omu bagomi nabo,
Ngu MUKAMA Ruhanga abone kutuura omuribo.
19 #
Isa 46:4. Mukama asiimwe, otwekorerera emitwaro obutoosha,
Ruhanga ow'okujunwa kwaitu.
20 #
Bir 32:39; Kush 1:18. Ruhanga waitu ni Ruhanga orikujuna;
Ahari Yehova Mukama niho haruga okukira okufa.
21 #
Zab 110:6. Kwonka Ruhanga aryayatagura emitwe y'abazigu be,
Kandi ahutaaze ekikoba ky'omutwe gw'ogwo orikugumira omu kushobya kwe.
22 #
Kub 21:33-35. Mukama akagira ati: Ndyabagarura barugye Bashani,
Ndyabagarura mbaihe okuzimu ahagati y'enyanja,
23 #
Zab 58:10; 1 Bag 22:38. Ngu obone kwozya ebigyere byawe omu shagama,
Kandi ngu endimi z'embwa zaawe zitungye omugabo gwazo omu bazigu.
24Bareebire emigyendere yaawe, ai Ruhanga, Ruhanga wangye kandi Mukama wangye,
Okuratiirwe abantu baawe nootaaha omu Mwanya ogurikwera;
25 #
Kur 15:20; 1 Bus 13:8; 15:16. Abeeshongozi beebembeire, abateezi b'enanga bari enyima;
N'ahagati yaabo hariho abaishiki nibateera ebitaasa.
26 #
Zab 26:12; Isa 48:1; Bir 33:28. Muhimbise Ruhanga omu iteeraniro rihango ry'abantu;
Muhimbise MUKAMA, imwe abaakomookire omu ihanga rya Israeli!
27 #
Bar 5:18; 1 Sam 9:21. Benyamiini bucuracuriro abari omu mutwe,
Abanyiginya ba Yuda n'omutwe muhango,
Abanyiginya ba Zebuluuni, abanyiginya ba Nafutaali.
28Ragiira amaani gaawe, ai Ruhanga;
Ohamye ebi waatukoreire.
29 #
2 Bus 32:23; Isa 18:7. Abagabe bakureetera emitoijo,
ahabwa hekalu yaawe, eri omuri Yerusaalemu,
30 #
Zab 22:12; Yob 40:21; 2 Sam 8:2, 6. Hana n'amaani enyamaishwa z'omu rufunjo,
Eigana ry'enimi n'enyana z'amahanga;
Oribatiirire abantu abaine omururu gw'okutoijesa agandi mahanga;
Otaataanise amahanga agakunda kurwana.
31Abanyiginya baryaruga Misiri;
Na Esiopia eryarahuka kutega Ruhanga emikono.
32Imwe obugabe bwona obw'ensi, mweshongorere Ruhanga,
Mweshongore eby'okuhimbisa Mukama,
33 #
Zab 29:1, 4; 150:1; Bir 10:14; 33:26. Orikutemba ahaiguru y'eiguru omu iguru erya ira.
Reeba, naagamba n'eiraka rihango, n'eiraka rye ery'amaani.
34Mugambe ku Ruhanga aine amaani;
Ategyeka Israeli omu kitiinisa ky'obukama bwe,
Kandi amaani ge gari omu bicu.
35 #
Zab 29:11; Isa 40:29. Ruhanga n'Ow'okutiinisa omu Mwanya gwe ogurikwera;
Ruhanga wa Israeli niwe aha abantu be obushoboorozi n'amaani.
Ruhanga asiimwe!
Currently Selected:
Zaaburi 68: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
