Zaaburi 67
67
Amahanga goona oku gashemereire kusiima Ruhanga
Aha Mukuru w'abeeshongozi. Zaaburi eyaayeshongoirwe n'enanga
1 #
Zab 4:6; Kub 6:25. Ruhanga atugirire embabazi, atuhe omugisha,
Atwakize amaisho ge,
2 #
Luk 2:30-32; Byak 18:25, 26; Tit 2:11. Omuhanda gwawe gubone kumanywa omu nsi,
N'amaani gaawe agarikujuna gamanywe omu mahanga goona.
3Abantu bakuhimbise, ai Ruhanga;
K'abantu boona bakuhimbise!
4 #
Zab 9:8. Amahanga geesiime, geeshongore ahabw'okushemererwa;
Ahabw'okuba ocwera abantu emanja omu bwinganisa,
Kandi oyebembera amahanga agari omu nsi.
5Abantu bakuhimbise, ai Ruhanga;
K'abantu boona bakuhimbise!
6 #
Zab 85:12; Lev 26:4; Ezk 34:27. Ensi ereetsire omweru gwayo,
Ruhanga, Ruhanga waitu, atuhaire omugisha.
7 #
Zab 22:27. Ruhanga aryatuha omugisha;
Kandi boona ab'aha muheru gw'ensi baryamutiina.
Currently Selected:
Zaaburi 67: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
