Zaaburi 69
69
Okushaba kw'omuntu ori omu busaasi
Aha Mukuru w'abeeshongozi. Omu iraka eririkwetwa Emyangangye. Zaaburi ya Daudi
1 #
Zab 32:6. Njuna, ai Ruhanga;
Ahakuba amaizi nigenda kuunyita;
2 #
Zab 40:2; 124:4. Ninshaaya omu byondo bingi,
Ebi ntarikubaasa kuhamyamu bigyere;
Naahika omu maizi maraingwa,
Ahi amaizi agaijwire garikummirira.
3 #
Zab 6:6; 119:123; Isa 38:14. Okurira kunduhize; amaraka ganzindaire;
Amaisho gangye gahotokire ahabw'okutegyereza Ruhanga wangye.
4 #
Zab 38:19; 40:12; Yoh 15:25. Abarikuunyangira busha ni baingi okukira eishokye ry'aha mutwe gwangye;
Abazigu bangye abarikwenda kuunyitira busha n'ab'amaani.
Nshemereire kuriha ebi ntaraibire?
5Ai Ruhanga, noomanya obushema bwangye;
N'ebibi byangye tibikusherekirwe.
6Abarikukwesiga, Mukama RUHANGA ow'amahe,
Barekye kukwatwa enshoni ahabwangye;
Abarikukusherura, ai Ruhanga wa israeli,
Batahemurwa ahabwangye.
7 #
Yer 15:15. Ahakuba ahabwawe nyemeire okujumwa,
N'enshoni zinshwekire ahamaisho.
8 #
Yob 19:13; Isa 53:3; Yoh 1:11. Mpindukire otarikumanywa ahari beene tata,
N'omunyaihanga aha baana ba maawe.
9 #
Zab 89:41, 50; 119:139; Yoh 2:17; Rom 15:3. Okusaasibwa enju yaawe kummazireho,
Kandi ebijumo ebi barikukujuma niinye bigweireire.
10Ku naarizire, naayeburabuza niinyesiibyakwo,
Kyampindukira ekijumo.
11 #
Zab 35:13; Yob 17:6. Ku naahindwire ekiguniya eky'okujwara,
Bampindura eky'okucweraho enfumu.
12 #
Rus 4:1; Yob 30:9; Tonz 3:14. Ndi ekigaaniiro ky'abashutama aha irembo,
Kandi ekyeshongoro ky'abasinzi.
13 #
Isa 49:8. Kwonka nyowe, ai MUKAMA, niiwe nshaba.
Omu bunaku oburikwikiririzibwamu, ai Ruhanga,
ahabw'embabazi zaawe nyingi ongarukyemu.
14 #
Zab 69:1, 2; 144:7. Ahabw'okuhwera kwawe okurikwesigwa onjune,
Ntashaayira omu byondo;
Nkire abarikuunyanga, kandi ndugye omu maizi maraingwa.
15Otaikiriza omwegyemure kuntwara,
N'obu kwakuba okumirirwa ahagati y'amaizi maingi;
Kandi otaikiriza Ekiina kunkingirana omu kanwa kaakyo.
16 #
Zab 63:3; 106:45. Ongarukyemu, ai MUKAMA ahabw'okuba embabazi zaawe ni nungi;
ahabw'okusaasira kwawe kwingi ompindukire;
17 #
Zab 27:9; 102:2. Kandi otaanyima amaisho gaawe, nyowe omwiru waawe;
ahakuba ndi omu kabi, orahukye kungarukamu.
18Onyirire haihi, oncungure;
Onyihe omu mikono y'abazigu bangye.
19 #
Zab 22:6; Heb 12:2. Noomanya okujumwa kwangye, enshoni zangye, n'okuhemuka kwangye;
Ababisha bangye boona noobamanya.
20 #
Isa 63:5; Yer 15:5. Ebijumo bincwire omutima, ninshaasha munonga;
Nsherwire ow'okunsaasira, yaabura;
Kandi naasherura ab'okumpuumuriza, nabo bamburira.
21 #
Mat 27:34; Mak 15:36; Luk 23:36; Yoh 19:29. Bampa ebirikushaarira kubirya;
N'ahabw'eiriho bampa viinyo erikushaarira kuginywa.
22 #
Zab 35:4-8; 109:6-15. #Rom 11:9, 10. Emeeza yaabo ebabeere omutego,
N'okugira obusingye kubabeere orugogo.
23 #
2 Bag 6:18; Isa 6:10; Dan 5:6. Amaisho gaabo gashwekwe oruho, barekye kureeba;
Otetemye enyugunyu zaabo obutoosha.
24Obashukyeho okuguubwa kubi kwawe,
Kandi ekiniga kyawe kingi kibahikyeho;
25 #
Byak 1:20. Eka yaabo ehindukye eitongo;
Hatagira owaatuura omu mahema gaabo.
26 #
Yob 19:21, 22; Isa 53:4. Ahakuba nibahiiga ou waateire,
Nibagambirana eby'obusaasi bw'ogwo ou waahutaize.
27 #
Neh 4:5. Oyongyere ebiheneso aha biheneso byabo,
Hatagira owaasinga orubanja omu maisho gaawe.
28 #
Kur 32:32; Isa 4:3; Ezk 13:9; Luk 10:20; Fil 4:3; Heb 12:23; Kush 3:5; 13:8. amaziina gaabo gaihwe omu kitabo ky'amagara;
Barekye kuhandiikwa n'abahikiriire.
29 #
Zab 20:1. Kwonka nyowe ndi omworo, kandi ow'obusaasi;
Okujuna kwawe, ai Ruhanga, kuntunguure.
30 #
Luk 1:46. Ndyahimbisa eiziina rya Ruhanga n'ekyeshongoro,
Mmuhe ekitiinisa n'eby'okumusiima.
31 #
Zab 50:13, 14. Ebyo biryagwisa gye MUKAMA okukira enimi,
Nari enimi y'ekimasha eine emahembe n'ebyara.
32 #
Zab 22:26. Abarikubonabonesibwa bakireebe, bashemererwe;
Imwe abarikusherura Ruhanga, emitima yaanyu ehimbuukye!
33 #
Zab 68:6. Ahakuba MUKAMA ahurira abakyene,
Kandi tagaya bantu be abari omu kihome.
34 #
Zab 96:11. Eiguru n'ensi bimuhimbise,
N'enyanja n'ebirikugyenderamu byona.
35 #
Isa 44:26. Ahakuba Ruhanga aryajuna Saayuuni,
Agarukye ayombekye endembo za Yuda,
Abantu be baryagituuramu, ebe eyaabo;
36 #
Isa 65:9. Abaana b'abairu be baryagihungura,
N'abakunda eiziina rye baryagituuramu.
Currently Selected:
Zaaburi 69: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
