Zaaburi 62
62
Oku Mukama ari obuhungiro bwaitu ebiro byona
Aha Mukuru w'abeeshongozi, omu muringo gwa Yedusuuni. Zaaburi ya Daudi
1 #
Zab 33:20. Amagara gangye gacureera nigategyereza Ruhanga wenka,
Ou okujunwa kwangye kurugaho.
2 #
Zab 9:9; 18:2. We wenka niwe rukiri rwangye kandi okujunwa kwangye;
Niwe rugo rwangye orugumire; tinditengyeta munonga.
3 #
Isa 30:13. Muryahitsya hi okujumbukana omuntu, ngu mukwatanise, mumwite,
Nk'ekisiika kibogami, nk'orugo orurikugogoma kugwa.
4 #
Zab 28:3. Enaama ei bagira n'emwe yonka, nikwo kumwiha aha bukuru bwe.
Bashemerererwa ebishuba.
Bashabira abantu omugisha n'akanwa kaabo,
Kwonka omunda nibabakyeena.
5Amagara gangye gacureera nigategyereza Ruhanga wenka;
ahakuba niwe amatsiko gangye garugaho.
6We wenka niwe rukiri rwangye kandi okujunwa kwangye;
Niwe rugo rwangye orugumire; tinditengyeta.
7 #
Zab 3:8; 14:6. Okujunwa kwangye n'ekitiinisa kyangye biri ahari Ruhanga;
Ruhanga niwe rukiri rwangye orw'amaani, kandi obuhungiro bwangye.
8 #
Zab 14:6; 37:3; 42:4; 1 Sam 1:15. Imwe abantu, mumwesigye buri kaanya;
Mumugambire byona, mumare omu kashansha;
Ruhanga n'obuhungiro bwaitu.
9 #
Zab 39:5; 116:11. Abantu abataine kitiinisa baba omwityo kwonka;
N'abaine ekitiinisa ni busha;
Ku bateebwa aha minzaani, ebaimutsya;
Boona hamwe banguhi okukira omwitsyo.
10 #
Enf 1:10-15, 19; Luk 12:15. Mutaryesiga okuhata abandi;
Mutarigira amatsiko ga busha aha kunyaga.
Eitungo ku ririkanya, mutariritaho omutima.
11 #
Yob 33:14; Kush 19:1. Ruhanga akagamba rimwe; naakihurira kabiri,
Ku obushoboorozi buri obwa Ruhanga,
12 #
Zab 103:8; Yob 34:11; Yer 17:10; Dan 9:9; 1 Pet 1:17. Kandi ku embabazi ziri ezaawe, ai Mukama;
ahakuba ozimuurira omuntu weena ebishemereire ebi yaakozire.
Currently Selected:
Zaaburi 62: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
