Zaaburi 63
63
Oku Mukama amara eiriho ry'omuntu orikumwetenga
Aha Mukuru w'abeeshongozi. Zaaburi ya Daudi
1 #
Zab 84:2; 143:6; Isa 26:9; 32:2. Ai Ruhanga, niiwe Ruhanga wangye; ndyaimuka kare kukusherura.
amagara gangye gakwiniire eiriho; omubiri gwangye nigukwetenga
Nk'ori omu nsi eyomire, erikurusya, kandi etarimu maizi.
2 #
Zab 78:61. Okwo nikwo nkuhangire amaisho omu mwanya gwawe ogurikwera,
Ngu nkaareeba obushoboorozi bwawe n'ekitiinisa kyawe.
3ahakuba embabazi zaawe ni nungi okukira amagara,
Eminwa yangye eryakuhimbisa.
4 #
Zab 28:2; 104:33. N'ahabw'ekyo ndyakusiima nkiri ohuriire;
Nyimutsye emikono yangye nintakira eiziina ryawe.
5 #
Zab 36:8. Amagara gangye garyahaaga nk'oriire omushokooro n'ebishaju,
N'akanwa kangye karyakuhimbisa n'eminwa eshemereirwe,
6 #
Zab 42:8; 119:148. Ku ndikukwijuka ndi aha kitabo kyangye,
Naakuteekateekaho omu kusisiimuka kwa nyekiro;
7 #
Zab 17:8. Ahakuba okaba ori omuhwezi wangye;
Kandi omunda y'amapapa gaawe nimwo ndyeshongorera ahabw'okushemererwa.
8 #
Zab 41:12; Kub 14:24. Amagara gangye niiwe geegamiire;
Omukono gwawe gwa buryo gunkwatirira;
9 #
Zab 55:15; Ezk 31:14; Efe 4:9. Kwonka abahiiga amagara gangye kumpwerekyereza,
Baryaza okuzimu omu itaka.
10Baryaheebwayo baitwe rurara;
Baryaba omugabo gw'emishega.
11 #
Zab 107:42; Isa 65:16; Yob 5:16; Bir 6:13. Kwonka omugabe aryashemerererwa omuri Ruhanga;
Weena orikumurahira aryayesiima;
ahakuba akanwa k'ababeihi karyaigarwa.
Currently Selected:
Zaaburi 63: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
