Zaaburi 61
61
Okutakira Ruhanga, twaba twehweire amatsiko
Aha Mukuru w'Abeeshongozi. Zaaburi ya Daudi ey'okweshongorwa n'enanga y'emirya
1 #
Zab 55:1, 2; 142:6. Hurira okutaka kwangye, ai Ruhanga;
Ote omutima aha kushaba kwangye;
2 #
Zab 18:2; 77:3. Ku ndiba ndi aha muheru gw'ensi, omutima gwangye gwagwa enshazi,
Ndyaguma nkutakire;
Ompitsye aha mutwe gw'orukiri, ahu ntarikubaasa kwehitsya.
3 #
Zab 14:6; Enf 18:10. Ahakuba niiwe buhungiro bwangye,
N'omunaara gw'amaani gw'okundinda abazigu.
4 #
Zab 17:8; 23:6. Ndyaguma omu ihema ryawe ebiro byona;
Ndyahungira omu mapapa gaawe, gambumbatire.
5Ahakuba iwe Ruhanga, ohuriire okuhiga kwangye;
Ompaire obuhunguzi obuheebwa abatiina eiziina ryawe.
6 #
Zab 21:4. Oyengyere aha biro by'amagara g'omugabe;
Emyaka ye ebe ey'obusingye bwingi.
7 #
Zab 40:11. Agume aha ngoma omu maisho gaawe, ai Ruhanga, ebiro n'ebiro;
Omutwekyere embabazi n'obwesigwa, bimurinde.
8 #
Zab 50:14. Obwo nibwo ndyeshongora eby'okuhimbisa eiziina ryawe ebiro byona,
Nkahikiiriza obutoosha ebi naaraganiise nimpiga.
Currently Selected:
Zaaburi 61: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
