Zaaburi 60
60
Okushaba kutuhwera, twaba tusingwirwe omu rugamba
Aha Mukuru w'abeeshongozi; omu iraka eririkwetwa Shushani-Edusi. Zaaburi ya Daudi ey'okwegyesa, obu yaarwana na Aramunaharaimu na Aramu-zooba, kandi obu Yoabu yaita Abanyedomu kakumi n'enkumi ibiri, naagaruka omu ruhanga rw'Omwonyo
1 #
Zab 44:9. Ai Ruhanga, otwangire, waatucwa emikono;
Waatugwerwa kubi; Nyakusinga, otagarure omu buteeka.
2 #
2 Bus 7:14. Otetemize ensi, waagigangabura;
Ita obwatika bwayo; ahakuba neetengyeta.
3 #
Zab 71:20; Yob 21:20; Isa 51:17. Oreeteire abantu baawe omu nyangararo;
Otunyweisize viinyo y'okugyenda nitugwererana.
4 #
Zab 20:5; Isa 11:10, 12. Ohaire abarikukutiina orurango,
Ngu baruteeranireho nibahunga emyambi.
5 #
Zab 108:6-13. Ahabw'omukono gwawe ogwa buryo otuhe obusinguzi, otugarukyemu,
Eihanga ryawe eririkukundwa ribone kukira abazigu.
6 #
Zab 89:35; Kut 33:17. Ruhanga akeema omu mwanya gwe ogurikwera, yaagira ati:
Ndyabaganisa Shekemu n'okwesiima kuhango,
Ngabe oruhanga rwa Sukoosi omu bicweka.
7 #
Kut 49:10; Kub 32:1; Bir 33:17. Gileadi n'eyangye; na Manaase nayo n'eyangye;
Efuraimu n'enkofiira y'okundinda;
Yuda n'enkoni yangye ey'obukama.
8 #
2 Sam 8:1, 2, 14. Moabu n'ekinaabiro kyangye;
Edomu niho nnaga enkaito yangye;
Filistia niho nteerera akaari k'okusingura.
9N'oha orindeeta omu rurembo rw'amaani?
Kandi orimpitsya Edomu n'oha?
10Ai Ruhanga, toratwangire?
Ebi biro tokihurura na ngabo zaitu, ai Ruhanga.
11 #
Zab 146:3. Otuhe emikono, turwanise abazigu baitu;
Ahakuba okuhwera kw'abantu tikwine mugasho.
12 #
Zab 44:5; 118:15, 16; Isa 63:3. Ahabw'amaani ga Ruhanga, turyarwana mashaija;
Ahakuba niwe ariribatiirira abazigu baitu.
Currently Selected:
Zaaburi 60: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
