Zaaburi 59
59
Okushaba Ruhanga okutujuna abazigu baitu abarikutujuma
Aha Mukuru w'abeeshongozi omu iraka eririkwetwa Otahwerekyereza. Zaaburi ya Daudi, obu Saulo yaatuma ab'okurinda enju ye ngu bamwite
1 #
Zab 18:48; 20:1. Onkize abazigu bangye, ai Ruhanga;
Ondinde abampururiire.
2Onkize enkozi z'ebibi,
Onjune abakunda kusheesha eshagama;
3 #
Zab 10:9; 56:6; 1 Sam 19:11; 24:11. ahakuba bagwereire amagara gangye;
Amamanzi geeteeraine kundwanisa,
Ntaine kibi kyona, n'obu kyakuba eki nsiisire.
4Bairukanga nibaza kweteekateeka kundwanisa, ntaine ki nshobize.
Sisiimuka, ompwere, oyereebere.
5 #
Zab 80:4. Ai MUKAMA Ruhanga ow'amahe, Ruhanga wa Israeli,
Imuka ohane abanyamahanga boona;
Otasaasira omunyabibi weena orikureebya.
6Buri mwabazyo bagaruka nibarira nk'embwa,
Nibagyendagyenda hoona omu rurembo.
7 #
Zab 57:4; Yob 22:13; Enf 15:28. Reeba, bakankama n'akanwa kaabo;
Basinikire amaino,
Ahakuba bagira bati: Ebyo hariho orikutuhurira?
8 #
Zab 2:4. Kwonka iwe, MUKAMA, oryabashekyerera;
Oteerere enaku abanyamahanga boona.
9 #
Zab 9:9. Iwe Maani gangye, ndyakutegyereza;
Ahakuba Ruhanga niwe rugo rwangye orugumire.
10 #
Zab 54:7. Ruhanga omu kusaasira kwe aryambugana;
Ruhanga aryanyikiriza ndeebe eki naayetengyeire abazigu bangye.
11 #
Zab 55:23. Otabaita, abantu bangye barekye kwebwa;
Obatetemye n'amaani gaawe,
Obacwe amaryo, ai Mukama engabo yaitu.
12Ka bakwatirwe omu maryo gaabo
Ahabw'ebibi by'omu kanwa kaabo n'ebigambo by'eminwa yaabo,
N'ahabw'okukyeena n'ebishuba ebi bagamba.
13 #
Zab 7:9. Obamareho n'ekiniga kyawe,
Obamareho okuhitsya obu baraahwereho kimwe,
Bamanye ku Ruhanga ategyeka Yakobo,
Okuhika aha muheru gw'ensi.
14Buri mwabazyo bagaruka nibarira nk'embwa,
Nibagyendagyenda hoona omu rurembo.
15 #
Zab 109:10; Yob 15:23. Bazengyerera nibasherura eby'okurya;
Ku baba batahaagire, bubasheesheraho.
16Kwonka nyowe ndyayeshongora aha by'amaani gaawe,
Eego, omu kasheeshe ndyayeshongora n'eiraka rihango eby'embabazi zaawe;
ahakuba ombeereire orugo rugumire,
Kandi obuhungiro omu biro by'okubonabona kwangye.
17Iwe Maani gangye, ndyayeshongora eby'okukuhimbisa;
Ahakuba Ruhanga onsaasira niwe rugo rwangye orugumire.
Currently Selected:
Zaaburi 59: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
