Zaaburi 58
58
Okushaba Ruhanga kuba niwe yaahoora ebabi
Aha Mukur w'abeeshongozi, aha iraka eririkwetwa Otahwerekyereza. Zaaburi ya Daudi
1Beitu kwo imwe bantu 'mwe, mugamba eby'amazima?
Mucwera abantu emanja omu buryo?
2Ngaaha! kureka omu mitima yaanyu mucwa obwengye kukora eby'okutahikiirira;
Endwano z'emikono yaanyu nirwo rubanja oru mucwa omu nsi.
3 #
Zab 51:5; Isa 48:8. Ababi bataana na Ruhanga nibakiruga omu nda;
Ku bazaarwa, bahaba, nibagamba eby'ebishuba.
4 #
Zab 140:3; Bir 32:33. Obushegu bwabo ni nk'obw'enjoka;
Bari nk'empoma etarikuhurira, eyeitsire amatu,
5 #
Yer 8:17. Eyanga kuhurira eiraka ry'abarogi,
N'obu baakuroga n'obwengye buta.
6 #
Zab 3:7; Yob 4:10. Ai Ruhanga, bacwe amaino, ogamare omu kanwa;
Okuure ebigigo by'ebitsigazi by'entare, ai MUKAMA.
7 #
Zab 112:10. Ka batuube, boome nk'emaizi agarikuhwererera omu itaka.
Baribatiirirwe nk'obunyaatsi bubisi, bahotokye.
8 #
Yob 3:16. Babe nk'ekinyangondokyera, ekiyaga kikahwaho;
Nk'omwana ozaarwa atakahikire, otakareebaga izooba.
9 #
Zab 118:12; Enf 10:25. Enyungu zaanyu zitakatagatsiibwe muriro gw'amahwa,
Ruhanga aryagatwaza omuyaga gw'akasooroora,
amabisi n'agahiire goona.
10 #
Zab 68:23; Bir 32:43; Yob 22:19. Ohikiriire ku arireeba okwo kuhoora enzigu, aryayesiima;
Aryayogyesa ebigyere bye eshagama y'ababi.
11 #
Zab 9:8; 67:4; Kut 18:25; Mub 12:14; Isa 3:10. Ekirirugamu, abantu baryagira bati:
Buzimazima hariho ebihembo by'abahikiriire;
Buzimazima hariho Ruhanga ocwa emanja omu nsi.
Currently Selected:
Zaaburi 58: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
