Zaaburi 57
57
Okwesiga Mukama omu kabi koona tutarikubangaanisa
Aha Mukuru w'abeeshongozi, aha iraka eririkwetwa Otahwerekyereza. Zaaburi ya Daudi obu yaahungira Saulo omu ryaya
1 #
Zab 17:8; 91:4; Isa 26:20. Nsaasira, ai Ruhanga, onsaasire,
Ahakuba amagara gangye niiwe gahungiraho;
Ndyahungira omu mapapa gaawe, gambumbatire,
Okuhitsya obu akabi aka koona karihwaho.
2 #
Zab 138:8. Ndyatakira Ruhanga Rukira-boona,
Niwe Ruhanga onkorera byona.
3 #
Zab 18:16; 40:11; 43:3; 56:1. Aryayema omu iguru, anjune;
Aryahemura abarikwenda kummira.
Ruhanga aryayohereza embabazi ze n'amazima ge.
4 #
Zab 64:3; Enf 30:14. Amagara gangye gari ahagati y'entare
Ezishonsomera abantu n'mururu.
Amaino gaabo n'amacumu n'emyambi,
Kandi endimi zaabo ni zaarurara z'obwogi.
5 #
Zab 108:5. Oteebwe ahaiguru okukira eiguru, ai Ruhanga!
Ekitiinisa kyawe kibe ahaiguru y'ensi yoona!
6 #
Zab 7:15; Yob 18:8. Bategire ebigyere byangye omutego;
Omutima gwangye gucuramiriirwe;
Batimbire obusya ahu ndikuraba;
Kwonka baaba nibo baabugwamu.
7 #
Zab 108:1-5. Omutima gwangye gugumire, ai Ruhanga,
Omutima gwangye gugumire;
Ndyayeshongora; eego, ndyayeshongora eby'okuhimbisa!#Zab 112:7.
8 #
Zab 16:9; Bar 5:12; 1 Bus 15:16. Sisiimuka, iwe magara gangye!
Sisiimuka, iwe enanga n'endigiri!
Naanye ahabwangye niinyija kusisiimuka kare munonga.
9Ai Mukama, ndyakusiima omu bantu,
Ndyayeshongora eby'okukuhimbisa omu mahanga.
10 #
Zab 36:5. Ahakuba embabazi zaawe ni nyingi, nizihika omu iguru,
N'okwesigwa kwawe kuhika omu bicu.
11Oteebwe ahaiguru okukira eiguru, ai Ruhanga!
Ekitiinisa kyawe kibe ahaiguru y'ensi yoona!
Currently Selected:
Zaaburi 57: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
