Zaaburi 56
56
Okwesiga Mukama n'obu abazigu baitu baraabe nibatuhiiga
Aha Mukuru w'abeeshongozi, aha iraka eririkwetwa Enkombe. Zaaburi ya Daudi erikwetwa Mikitaamu, obu Abafilistia baamukwatira Gaasi
1 #
Zab 124:3; Enf 1:12. Ngirira embabazi, ai Ruhanga,
Ahakuba abantu nibenda kummira;
Eizooba ryona nibandwanisa, nibaanyita kubi.
2Abazigu bangye barenzya eizooba nibenda kummira;
Ahakuba abarikundwanisa n'amaryo ni baingi.
3 #
1 Sam 30:6; 2 Bus 20:3. Ku ndaagume naatiina, ninkwesiga.
4 #
Zab 118:6. Ruhanga aryampa okusiima ekigambo kye;
Ruhanga niwe ndikwesiga; tinditiina;
Abantu-buntu nibabaasa kunkora ki?
5Barenzya eizooba nibahindahindura ebigambo byangye;
Ebiteekateeko byabo byona n'eby'okundwanisa kunkora kubi.
6 #
Zab 59:3; 71:10. Beeteerana hamwe, beesherekire;
Nibareebereza ahu ndikuraba.
Nk'oku baagwereire amagara gangye,
7Naiwe obazimuurire ahabw'ekibi kyabo;
Ai Ruhanga, omu kiniga kyawe otuure ahansi amahanga.
8 #
2 Bag 20:5; Mat 3:16. Niiwe omanya okuzengyerera kwangye;
Ote amarira gangye omu cupa yaawe.
Tigarahandiikirwe omu kitabo kyawe?
9 #
Zab 102:2; 118:6; Rom 8:31. Aha izooba eri ndikutakiriraho,
Abazigu bangye baryagarurwa enyima.
Eki ndikumanya n'eki ngu, Ruhanga ari aha rubaju rwangye.
10Ruhanga aryampa okusiima ekigambo kye;
MUKAMA aryampa okusiima ekigambo kye;
11Ruhanga niwe nyesiga; tinditiina;
Abantu-buntu nibabaasa kunkora ki?
12 #
Zab 50:14. Ebi naakuraganiise nshemereire kubihikiiriza, ai Ruhanga;
Ndyakuha ebihongwa by'okusiima;
13 #
Zab 49:19; 116:8, 9; Yob 33:30. Ahakuba okaiha amagara gangye omu kufa,
Waazibira ebigyere byangye kuterera,
Ngu mbone kugyendera omu maisho ga Ruhanga
Omu mushana gw'amagara.
Currently Selected:
Zaaburi 56: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
