Zaaburi 55
55
Okushaba okwihwa omu mikono y'abarikutureebya
Aha Mukuru w'abeeshongozi abateera enanga. Zaaburi ya Daudi
1 #
Zab 54:2; 86:6. Otegye okutu okushaba kwangye, ai Ruhanga,
Kandi oteehuzya okweshengyereza kwangye.
2 #
Zab 55:17. Ompurire, ongarukyemu,
Ninfa kubi ahabw'obusaasi bwangye, kandi nintsinda.
3 #
2 Sam 16:7, 8. Orwari rw'abazigu n'okwitwa kubi ababi byankabya,
Ahakuba nibandusya, kandi nibampiiga n'ekiniga.
4 #
Mat 26:38. Omutima gwangye gwine obusaasi bwingi;
Nkwatsirwe obwoba bwingi ahabw'okutiina rufu,
5 #
Yob 21:6; Isa 21:4. Nintiina kandi nintetema; omutima gumpweire omunda.
6Naanye nikwo kugira nti: Ekyakumbaasa, n'okugira amapapa nk'enkombe,
Nkeegurukira, nkaruhuuka!
7 #
Yer 9:2. Nkaagiire hare, ndarira omu ihamba.
8Nkaarahukire kwesherurira obwegamo,
Ndeka kwitwa eihunga n'omuyaga mwingi.
9 #
Yer 6:7. Shiisha enaama zaabo, ai Mukama, n'endimi zaabo ozirabanisemu;
Ahakuba ndeebire okwitana n'okurwana omu rurembo.
10Nyomushana na nyekiro nibagyendagyendera aha mutwe gw'orugo rwarwo nibarwehinguririza;
Omurirwo harimu okutahikiirira n'eitima.
11Obubi buri ahagati omurirwo;
Okwita kubi n'oburyarya tibiruga mu nguuto zaarwo.
12 #
Zab 41:9; Yob 19:5, 14, 19; 2 Sam 15:12. Kwonka owanjumire akaba atari muzigu wangye;
Kandi owaanyekunikireho akaba atari mubisha,
Nkaamwesherekire;
13Kureka akaba ari iwe, ou turikwingana,
Mugyenzi wangye kandi munywani wangye buzima.
14Tukaba tugaaniira hamwe n'okushemererwa;
Tugyendana omu nju ya Ruhanga, tukwataniise.
15 #
Kub 16:30, 33. Ka rufu ebagweho;
Bashuume okuzimu bahuriire;
Ahakuba obubi buri omuribo n'omu maka gaabo.
16Kwonka nyowe ahabwangye ndyatakira Ruhanga;
Kandi MUKAMA aryanjuna.
17 #
Zab 5:3; 92:2; 141:2; Dan 6:10; Byak 10:9. Omu mwabazyo, omu kasheeshe n'omu ihangwe,
Ndyatonzya nintsinda; kandi aryahurira eiraka ryangye.
18Aryajuna amagara gangye,
Ankize abarikuunyirira haihi kundwanisa;
Ahakuba abarikundwanisa ni baingi.
19 #
Bir 33:27. Ruhanga otuura aha kitebe kye eky'obukama okuruga iranaira,
Aryahurira, abacureeze,
Ahakuba tibahinduka, tibatiina Ruhanga.
20Mugyenzi wangye ogwo akabanga omukono kuteera banywani be;
Yaita endagaano ye.
21 #
Zab 28:3; 57:4; Enf 5:3. Akaba agamba ebyorobi nk'amajuta,
Kwonka omutima gwe gukaba gubamu orugamba;
Ebigambo bye bikaba byorobi nk'amajuta g'emizeituuni,
Kwonka biri nka zaarurara ezisyoirweyo.
22 #
Zab 37:5, 24. Yegyekyerera MUKAMA omutwaro gwawe,
Nawe aryaguma naakukwatirira;
Tariikiriza ohikiriire kutengyetsibwa.
23 #
Zab 5:6; 59:11; 69:15; Yob 15:32; Enf 10:27. Kwonka Iwe, Ruhanga, oryabanaga omu kiina ky'okuhwerekyerereramu;
Abaitsi n'engobya baryafa batakahikize kicweka ky'emyaka yaabo;
Kwonka nyowe ndyaguma nkwesigye.
Currently Selected:
Zaaburi 55: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
