Zaaburi 52
52
Ekifubiro ky'omubi orikwesiimira obubi
Aha Mukuru w'abeeshongozi. Zaaburi ya Daudi obu Doegi Omunyedomu yaija kugambira Saulo ku Daudi ataahire owa Ahimeleki
1 #
1 Sam 22:9; 10. Ahabw'enki oyesiimira eitima, iwe manzi 'we,
Noorwanisa embabazi za Ruhanga?
Orenzya eizooba noocuma enaama z'okuhwerekyereza.
2 #
Zab 50:19; 101:7. Orurimi rwawe ni nk'orumweiso rw'obwogi,
Iwe orikuhanuura eby'okureebya.
3 #
Yer 9:4, 5. Okunda ebibi okukira ebirungi,
N'okubeiha okukira okugamba eby'amazima.
4Okunda ebigambo byona ebirikuhwerekyereza,
Iwe orurimi orurikugobya.
5 #
Zab 27:13; Enf 2:22. Naiwe nikwo Ruhanga arikuhwerekyereza ebiro byona;
Aryakukwata n'amaani, akuhuruuture omu ihema ryawe,
Akurandure omu nsi y'abahuriire.
6 #
Zab 40:3; Yob 22:19. Abahikiriire baryakireeba, batiine,
Bamushekyerere nibagira bati:
7 #
Zab 49:6; Yob 31:24, 25. Nimureebe ogu mushaija otaragizire Ruhanga buhungiro bwe,
Kureka owaayesigire eitungo rye ringi,
N'obutungi bwe akabugira obuhungiro.
8 #
Zab 92:12, 13; 128:3; Yer 11:16. Kwonka nyowe ndi kn'omu zeituuni mubisi omu nju ya Ruhanga,
Nyesiga embabazi za Ruhanga ebiro n'ebiro.
9 #
Zab 54:6. Ndyagamba eiziina ryawe omu maisho g'abarikwera baawe,
Ahabw'okuba ni rirungi.
Currently Selected:
Zaaburi 52: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
