Zaaburi 53
53
Obushema bw'abantu n'obubi bwabo
Aha Mukuru w'abeeshongozi. Ekyeshongoro kya Daudi omu iraka rya Mahalaasi, ekyagunzirwe n'obwengye
1 #
Zab 14:1-7. #Rom 3:10-12. Omushema agira omu mutima gwe ati:
Ruhanga tabaho;
Basiisikaire, nibakora ebihagaro;
Tihariho n'omwe orikukora gye.#Zab 10:4.
2 #
Zab 102:19; 2 Bus 19:3. Ruhanga akeema omu iguru, yaareeba abantu,
Ngu amanye ku haraabe hariho abarikwetegyereza,
Bakasherura Ruhanga.
3Boona bagarukire enyima; boona basiisikaire hamwe;
Tihariho orikukora gye; buzima tihariho n'omwe.
4 #
Zab 79:6; Isa 1:3; Yer 4:22; 10:25; Hos 7:7; Mik 3:3. Beitu enkozi z'ebibi tizigira obwengye?
Barya abantu bangye nk'abarikurya eby'okurya,
Kandi tibatakira Ruhanga.
5 #
Zab 141:7; Lev 26:36; Enf 28:1. Okwo bakagirirayo obwoba bwingi,
Ahu batakubugiriire.
Ahabw'okuba Ruhanga akanaganaga amagufa g'oteekire enteeko kukuteera;
Waabaitsa enshoni, ahakuba Ruhanga abangire.
6 #
Zab 85:1; Ezk 39:25; Hos 6:11; Yoel 3:1. Nkaabaasibwa ki, okujunwa kwa Israeli kuruga omuri Saayuuni!
Ruhanga ku araagarure abantu be abanyagirwe,
Yakobo aryayesiima, na Israeli ananukye.
Currently Selected:
Zaaburi 53: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
