Zaaburi 51
51
Okweteisa kwa Daudi
Aha Mukuru w'abeeshongozi. Zaaburi ya Daudi, obu yaizirwa nabi Nasani, aherize kushambana na Batisheba
1 #
Zab 106:45; Isa 44:22; Byak 3:19. Ai MUKAMA, onsaasire nk'embabazi zaawe nyingi oku ziri;
Nk'okusaasira kwawe kwingi oku kuri, oragaze eby'okushiisha byangye.
2 #
Yer 4:14; Byak 22:16; Heb 9:14; 1 Yoh 1:7. Onyogyeze kimwe okutahikiirira kwangye.
Kandi onshemeze, onyiheho ekibi kyangye;
3 #
Zab 32:5. ahakuba niinyemera eby'okushiisha byangye,
N'ekibi kyangye kiri omu maisho gangye obutoosha.
4 #
Kut 39:9; 2 Sam 12:13; Luk 15:18, 21; Rom 3:4. Iwe, niiwe wenka ou naacumwireho,
Nkakora ekihagaro omu maisho gaawe,
N'ahabw'ekyo ohikire omu kwomesereza kwawe,
Kandi ori ow'amazima omu micwere yaawe.
5 #
Yob 15:14; Rom 5:12, 19. Reeba, nkahangirwa omu kutahikiirira;
N'omu kibi maawe nimwo yanzaariire.
6 #
Yob 38:36. Reeba, okunda amazima g'omunda,
N'ahabw'ekyo onyegyese obwengye omu mutima ahatareebwa.
7 #
Zab 51:2; Lev 14:4, 6, 7; Isa 1:18. Onyeze #51:7 Enyaweera, omu Ruheburaayo ni ezob, omu Rugriika ni hussopos. n'enyaweera, niinyija kushemera;
Onyozye nyere okukira orubaare.
8Onyijuze okushemererwa n'okwesiima,
Amagufa agu waahenzire gananukye.
9 #
Zab 51:1; Yer 16:17. Otareeba ebibi byangye,
Oragarize kimwe eby'okushiisha byangye byona.
10 #
Zab 24:4; 78:37; 1 Sam 10:9; Yer 24:7; Ezk 36:26. Ompangyemu omutima ogushemeire, ai Ruhanga;
Ogarure omwoyo murungi omunda yangye.
11 #
Kut 4:14; 2 Bag 13:23; Yer 7:15. Otambinga ahu ori,
Kandi otaanyihaho Omwoyo waawe Orikwera.
12 #
Rom 8:15; 2 Kor 3:17. Ongarurire okushemererwa kw'okujuna kwawe,
Ompamye n'omwoyo ogurikukworobera.
13 #
Luk 22:32. Obwo nibwo ndyegyesa abasiisi emihanda yaawe,
N'enkozi z'ebibi zikakuhindukira.
14 #
Zab 24:5; 71:15; 2 Sam 11:17; 12:9. Onkize orubanja rw'obwitsi,
Ai Ruhanga, iwe Ruhanga w'okujunwa kwangye,
Kandi orurimi rwangye ruryayeshongora munonga eby'okuhikiirira kwawe.
15Ai MUKAMA, yashamya akanwa kangye,
N'eminwa yangye emanyise okuhimbisibwa kwawe;
16 #
Zab 40:6. Ahakuba toshemerererwa bitambo, nkaabikuhaire;
Ebitambo ebyokize tobisiima.
17 #
Zab 34:18. Ebitambo ebi Ruhanga asiima n'omutima oguhendekire,
Omutima oguhendekire, ogweteisiize kimwe,
18Kora gye Saayuuni, nk'oku orikusiima;
Zitirira Yerusaalemu orugo rw'amabaare.
19 #
Zab 4:5; Bir 33:10; Mal 3:3. Obwo nibwo orishemerererwa ebitambo ebihikire,
N'ebitambo ebyokize, n'ebitambo ebyokyeize kimwe;
Haza nibwo enimi zirihongyerwa aha itambiro ryawe.
Currently Selected:
Zaaburi 51: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
