Zaaburi 50
50
Ruhanga oku atarikusiima ediini n'ebitambo kwonka, kureka okumworobera tutarikuryarya
Zaaburi ya Asafu
1 #
Zab 113:3. Ruhanga, MUKAMA Ruhanga ow'obushoboorozi agambire,
Yaayeta ensi, okuruga oburugwa-izooba okuhika oburengyerwa-izooba.
2 #
Zab 48:2; 80:1; Bir 33:2. Ruhanga ayakire, naayema omuri Sayuuni,
Ahu oburungi obutaine kamogo buba.
3 #
Zab 21:9; Kur 19:16. Ruhanga waitu naija, taryetsiza;
Omuriro ogurikwokyeza kimwe gumwebembeire,
Ayehinguririziibwe eihunga ry'amaani;
4 #
Bir 32:1; Isa 1:2; Mik 6:1, 2. Naayeta eiguru n'ensi,
Ngu abone kucwera abantu be orubanja.
5 #
Kut 15:9-18; Kur 24:7, 8. Naagira ati: Muteerane abarikwera bangye, baije ahariinye,
Abaaragaine naanye endagaano nibahayo ebitambo.
6 #
Zab 75:7; 97:6. Eiguru rimanyisa okuhikiirira kwe,
Ahakuba Ruhanga we wenka niwe Mucwi w'emanja.
7 #
Zab 81:8; Kur 20:2. Muhurire, imwe abantu bangye, ngambe;
Hurira, Israeli, nkuhamize.
Niinye Ruhanga, Ruhanga waawe.
8 #
Zab 40:6. Tindikukuhana habw'ebitambo byawe;
Ebitambo byawe ebyokize biri omu maisho ganbye obutoosha.
9Tindikwija kwakiira nimi y'omu nju yaawe,
N'obu yaakuba empaya y'embuzi omu busyo bwawe;
10Ahakuba enyamaishwa zoona ez'omu kibira n'ezangye,
N'ente ez'aha bibungo rukumi nazo n'ezangye.
11 #
Mat 10:29. Nimmanya enyonyi zoona ez'omu mwanya,
Kandi enyamaishwa ez'omu ishwa n'ezangye.
12 #
Zab 24:1. Kuri naagizire enjara, tinaakukugambiire,
Ahakuba ensi n'ebigirimu byona n'ebyangye.
13Noogira ngu ndya enyama y'enimi,
Nari nnywa orwamba rw'embuzi?
14 #
Kub 30:2; Zab 22:25; 107:22; Mub 5:4; Hos 14:2; Yon 2:9; Heb 13:15. Ohe Ruhanga ekitambo ky'okusiima,
Ohikiirize eki waaraganiise Rukira-boona;
15 #
Zab 22:23; 81:7; 107:6; Zek 13:9. Kandi ontakire aha izooba ry'okureeba enaku,
Ndyakukiza, naiwe ompimbisise.
16Kwonka omubi Ruhanga amugira ati:
Oine bushoboorozi ki okugambira abandi ebiragiro byangye,
N'okwegambisa eby'endagaano yangye?
17 #
Neh 9:26; Rom 2:21, 22. Haza oyanga okuhanwa,
Kandi ebigambo byangye obyenaga enyima?
18 #
Rom 1:32; 1 Tim 5:22. Ku oreeba omushuma, onywana nawe,
Kandi okwatanisa n'abashambani.
19 #
Zab 52:2. Orekire akanwa kaawe kugamba eby'obubi,
N'orurimi rwawe rwehangira eby'obugobya.
20Otuura noogambuura mwene sho,
Kandi obeherera mwene nyoko.
21 #
Mub 8:11; Isa 57:11; Rom 2:4. Ebyo byona okabikora, naakwetsiza;
Waateekateeka ngu niinyinganira kimwe naiwe,
Kwonka ndyakuhana, mbikuratanise omu maisho gaawe.
22 #
Zab 7:2; 9:17. Mbwenu imwe abeebwa Ruhanga, mwetegyereze eki,
Ntakaabataagataagura, mukabura kijuna.
23 #
Zab 50:14, 15; 91:16. Orikuhayo ekitambo ky'okusiima, naaba mpaire ekitiinisa;
Kandi orikutwza gye omu micwe ye, ndyamworeka okujuna kwa Ruhanga.
Currently Selected:
Zaaburi 50: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
