Zaaburi 49
49
Oku obutungi butarikubaasa kuzibira omuntu kufa
Aha Mukuru w'abeeshongozi. Zaaburi ya Beene Koora
1 #
Isa 1:2; Mik 1:2. Muhurire eki, imwe amahanga goona;
Mutegye amatu, imwe mwena abatuura omu nsi;
2Ab'ekitiinisa n'abatakiine,
Abatungi hamwe n'abooro!
3Akanwa kangye kaaza kugamba eby'obwengye;
Okuteekateeka kw'omu mutima gwangye kurugwemu okwetegyereza.
4 #
Zab 78:2. Niinyija kutega okutu, mpurire enfumu;
Nshoboorore ekigambo kyangye ekitarikushobooroka, ninteera enanga.
5N'enki ekyakuntiinisa omu biro by'enaku,
Obubi bw'abarikumpiiga bunyehinguririize?
6 #
Zab 52:7; Enf 11:28; Mak 10:24. Abo abeesiga eitungo ryabo,
Bakeehimbisa ahabw'obutungi bwabo bwingi,
7 #
Mat 16:26. Tihariho n'omwe aharibo orikubaasa kucungura mwene ishe,
N'obu kwakuba okuha Ruhanga eky'okumucungura,
8-9 #
Yob 36:18, 19. Ngu abone kugumaho ebiro byona, atafiire akajunda.
Ahakuba okucungura amagara gaabo n'okw'obuguzi bwingi,
Tikushemereire kwehangwa.#Zab 16:10; 89:48.
10 #
Zab 39:6; Mub 2:16. Eego, areeba abanyabwengye nibafa;
Omushema n'ekituuriizi boona bahwerekyerera,
Batsigira abandi eitungo ryabo.
11 #
Kut 4:17. Bateekateeka ngu amaka gaabo garyagumaho ebiro byona,
Kandi ngu obutaaho bwabo buryagumaho okuhitsya obusingye bwona;
N'ebibanja byabo bigume nibibeetererwa.
12 #
Zab 82:7; Mub 3:19. Kwonka omuntu taguma na kitiinisa kye;
Naashusha nk'enyamaishwa ezifa, zikahwaho.
13Ogwo nigwo muheru gw'abeesiga busha,
N'abarikwesiima ahabw'omugabo gwabo nikwo bafa.
14 #
Yob 24:19; Dan 7:22; Mal 4:3; 1 Kor 6:2; Kush 2:26. Bafunywa nk'obusyo bw'entaama, nibaza Okuzimu;
Rufu n'omuriisa waabo kandi omutegyeki waabo.
Oburungi bwabo buryahwaho;
Kandi Okuzimu eryaba eka yaabo.
15 #
Zab 16:10; Hos 13:14. Kwonka Ruhanga aryacungura amagara gangye, agaihe omu bushoboorozi bw'okuzimu;
Ahakuba aryanyakiira.
16Otaritiina ku orireeba omuntu yaatunga,
Ekitiinisa ky'eka ye kyakanya;
17 #
Yob 27:19; 1 Tim 6:7. Ahabw'okuba ku arifa, tarigira ki yaatwara;
N'ekitiinisa tikirimukurata Kuzimu.
18 #
Bir 29:19; Luk 12:19. N'obu araabe yaayeyetsire ohiiriirwe akiriho,
Kandi abntu bakamusiima ahabw'okwegirira gye,
19Kwonka aryakurata baishenkuru,
Abatarigaruka ruguru kureeba omushana obundi.
20Omuntu oine ekitiinisa, atagire bwengye,
Naashusha nk'enyamaishwa ezifa, zikahwaho.
Currently Selected:
Zaaburi 49: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
