Zaaburi 48
48
Okusiima Ruhanga ahabw'oburungi bwa Saayuuni n'amaani gaayo
Ekyeshongoro. Zaaburi ya Beene Koora
1 #
Zab 46:4; 96:4; 145:3; Isa 2:2; Zek 8:3. MUKAMA ni mukuru; ashemereire kuhimbisibwa munonga
Omu rurembo rwa Ruhanga waitu aha kibungo kye ekirikwera.
2 #
Zab 50:2; Tonz 2:15; Mat 5:35. Ekibungo Saayuuni ekiri aha bukiizi-bwa-bumosho,
Ekirungi munonga omu kunyeeta kwakyo, nikyo ensi yoona eshemerererwa,
andi nirwo rurembo rw'Omukama rugambwa.
3 #
Zab 46:7. Ruhanga akeemanyisa omu bikaari byarwo
Ku ari orugo rugumire orw'okuhungiramu.
4 #
2 Sam 10:6-19. Reeba, abagabe bakateerana, baizira hamwe;
5Ku baarureebire, baatangaara,
Baakwatwa obwoba, baahunga;
6 #
Kur 15:15; Isa 13:8. Orutetema rwabakwatirayo,
Baarumwa nk'omukazi orikwenda kuzaara.
7 #
1 Bag 10:22; 22:48; Ezk 27:26. Waareeta omuyaga ogw'oburugwa-izooba,
Gwahendagura emeeri za Tarushiishi.
8 #
Zab 48:1; 87:5. Nkoku twahuriire, nikwo twareebire omu rurembo rwa MUKAMA ow'amahe,
Omu rurembo rwa Ruhanga waitu.
Ruhanga aryarugumiza kimwe ebiro byona.
9Ai Ruhnaga, tuteekateekire munonga aha mbabazi zaawe
Turi omuri hekalu yaawe.
10 #
Zab 113:3; Bir 28:58; Mal 1:11. Nk'oku eiziina ryawe riri, ai Ruhanga,
N'okuhimbisibwa kwawe nikwo kuri, nikuhika aha muheru gw'ensi.
Omukono gwawe gwa buryo gwijwire okuhikiiira.
11 #
Zab 97:8. Ekibungo Saayuuni kishemererwe,
Abaishiki ba Yuda beesiime ahabw'emicwere yaawe y'oburyo!
12Mugyendagyende aha kibungo Saayuuni, mukyehinguririze,
Mubare eminaara y'orwo rurembo.
13 #
Zab 78:4-6; 122:7. Mwetegyereze orugo rwarwo, oku ruzitiire;
Mumanye ebikaari byarwo,
Mureebe oku muribiteekyerereza ab'obusingye oburiija.
14 #
Zab 23:3, 4. Ahakuba Ruhanga ogu ni Ruhanga waitu ebiro byona,
Niwe aritwebembera okuhitsya aha kufa.
Currently Selected:
Zaaburi 48: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
