Zaaburi 47
47
Okwesiima ahabwa Ruhanga okuba Mukama w'ensi yoona
Aha Mukuru w'abeeshongozi. Ekyeshongoro kya Beene Koora
1 #
1 Sam 10:24; 2 Bag 11:12; Isa 55:12. Imwe ab'amahanga goona, muteere omu ngaro;
Mweshongorere Ruhanga n'amaraka mahango g'okusingura;
2 #
Bir 7:21; Neh 1:5; Mal 1:14. Ahakuba MUKAMA Rukira-boona naatiinisa,
N'Omugabe rugambwa orikutegyeka ensi zoona.
3 #
Zab 18:47. Akatugomoorera abantu, twabategyeka,
N'amahanga yaagata ahansi y'ebigyere byaitu.
4 #
Amo 8:7; Nah 2:2; 1 Pet 1:4. Yaatutooranira obuhunguzi,
Nikyo kyeraato kya Yakobo ou yaakunzire.
5 #
Zab 68:18; 2 Sam 6:15. Ruhanga ainamukire n'akaari k'okushemererwa,
MUKAMA ainamukire n'eiraka ry'enzamba.
6Mweshongorere Ruhanga eby'okuhimbisa, mweshongore eby'okuhimbisa!
Mweshongorere MUKAMA waitu eby'okuhimbisa, mweshongore eby'okuhimbisa;
7 #
Zek 14:9; 1 Kor 14:15. Ahabw'okuba Ruhanga niwe Mukama w'ensi yoona;
Mweshongore zaaburi z'okumuhimbisa n'obwengye!
8 #
Zab 22:28; 1 Bus 16:31. Ruhanga ategyeka amahanga;
Ruhanga ashutami aha kitebe kye ekirikwera.
9 #
Zab 72:11; 89:18; Isa 49:7, 23. Abakuru b'amahanga bateeraine nk'abantu ba Ruhanga wa Abrahamu;
10Ahakuba engabo z'omu nsi n'eza Ruhanga;
Naaheebwa ekitiinisa kingi.
Currently Selected:
Zaaburi 47: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
