Zaaburi 46
46
Ruhanga oku ari obuhungiro bw'abantu be
Aha Mukuru w'abeeshongozi. Zaaburi ya Beene Koora. Ekyeshongoro ekyeshongorwa omu buraka bukye
1 #
Zab 14:6; Bir 4:7. Ruhanga niwe buhungiro bwaitu, kandi amaani gaitu,
Omuhwezi buzima otabura mu biro by'enaku.
2 #
Zab 18:7. N'ahabw'ekyo tituritiina, n'obu ensi yaakuhinduka,
Enshozi zikatsindukira ahagati y'enyanja,
3 #
Zab 93:3, 4; Yer 5:22. Amaizi gaayo gakahoorera, gakahinduriza,
N'ebibungo bikatengyetsibwa okwehuura kwayo.
4 #
Zab 36:8; 43:3; 48:1; Isa 33:21; 60:14; Kush 22:1, 2. Hariyo omugyera, okusheneneka kwagwo nikushemeza orurembo rwa Ruhanga,
Omwanya Ogurikwera ahu Rukira-boona atuura.
5 #
Bir 23:14; Isa 12:6; Ezk 43:7; Zek 8:3. Ruhanga ari ahagati yaarwo; tiruritengyetsibwa;
Ruhanga aryaruhwera kare nibutaagurukana.
6 #
Zab 2:1; 18:13; Yoel 3:16; Amo 9:5. Amahanga gakajagarara, obugabe bwarababanym
Yaagamba n'eiraka rihango, ensi yaayaga.
7 #
Zab 48:3. MUKAMA ow'amahe ari hamwe naitwe;
Ruhanga wa Yakobo niwe buhungiro bwaitu.
8 #
Zab 66:5. Mwije mureebe emirimo ya MUKAMA,
Oku areetsire okuhwerekyerera omu nsi.
9 #
Zab 76:3; 1 Sam 2:4; Isa 2:4; Mik 4:3. Amaraho engamba okuhika aha muheru gw'ensi;
Ahenda amata, amacumu agatemamu kabiri;
N'ebigaari abyotsya n'omuriro.
10 #
Kur 14:13; Isa 2:11, 17. Mucureere, mumanye ku ndi Ruhanga.
Ndyahimbisibwa omu mahanga,
Ndyahimbisibwa omu nsi.
11 #
Zab 46:7. MUKAMA ow'amahe hamwe naitwe,
Ruhanga wa Yakobo niwe buhungiro bwaitu!
Currently Selected:
Zaaburi 46: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
