Popular Bible Verses from Zaaburi 46

Share

Mucureere, mumanye ku ndi Ruhanga. Ndyahimbisibwa omu mahanga, Ndyahimbisibwa omu nsi.

Ruhanga niwe buhungiro bwaitu, kandi amaani gaitu, Omuhwezi buzima otabura mu biro by'enaku. N'ahabw'ekyo tituritiina, n'obu ensi yaakuhinduka, Enshozi zikatsindukira ahagati y'enyanja

Hariyo omugyera, okusheneneka kwagwo nikushemeza orurembo rwa Ruhanga, Omwanya Ogurikwera ahu Rukira-boona atuura. Ruhanga ari ahagati yaarwo; tiruritengyetsibwa; Ruhanga aryaruhwera kare nibutaagurukana.

Amaraho engamba okuhika aha muheru gw'ensi; Ahenda amata, amacumu agatemamu kabiri; N'ebigaari abyotsya n'omuriro.