Zaaburi 146
146
Oku Ruhanga ari Omuhwezi w'abantu boona
1Haleluya
Himbisa MUKAMA, iwe magara gangye!
2 #
Zab 63:4; 104:33. Ndyayeshongorera MUKAMA, nkiri ohuriire,
Nyeshongorere Ruhanga eby'okuhimbisa, nkiriho.
3 #
Zab 60:11; 118:8, 9; Yer 17:5. Mutaryesiga abanyiginya,
N'obu yaakuba omuntu, otaine kuhwera kwona.
4 #
Zab 104:29; Yob 34:14, 15. Omwitsyo ku gumuhwamu, agaruka omu itaka;
Eryo izooba ebiteekateeko bye bihwaho.
5 #
Zab 144:15; Yer 17:7. Omuntu ahiiriirwe, ou Ruhanga wa Yakobo aba Muhwezi we,
Kandi ota amatsiko ahari MUKAMA Ruhanga we,
6 #
Zab 115:15; 117:2; Kush 14:7. Owaahangire eiguru n'ensi, enyanja na byona ebirimu,
Otuura ari omwesigwa ebiro byona,
7 #
Zab 103:6; 107:9; Isa 61:1. Ocwera abarikubonabonesibwa emanja z'oburyo;
Oha abaine enjara eby'okurya.
MUKAMA akomorora embohe;
8 #
Zab 11:7; 145:14; Mat 9:30; Yoh 9:7. MUKAMA ahumuura empumi;
MUKAMA aimutsya abeyinamiriire;
MUKAMA akunda abahikiriire.
9 #
Zab 147:6; Bir 10:18; Kur 22:21, 22. MUKAMA arinda abashuhuuki,
Aramira abafaakazi n'efuuzi,
Kwonka omuhanda gw'ababi agwitira kimwe.
10 #
Zab 10:16. MUKAMA aryategyeka ebiro byona;
Iwe Saayuni, Ruhanga waawe aryategyeka okuhitsya obusingye bwona.
Haleluya!
Currently Selected:
Zaaburi 146: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
