Zaaburi 145
145
Okuhimbisa Ruhanga ahabw'obukuru bwe n'oburungi bwe
Ekyeshongoro kya Daudi eky'okuhimbisa
1 #
Zab 99:5; 146:2. Ndyakuhimbisa, ai Ruhanga wangye kandi Omugabe wangye;
Ndyasiima eiziina ryawe ebiro byona.
2Buri izooba ndyakusiima,
Mpimbise eiziina ryawe ebiro n'ebiro.
3 #
Zab 48:1; Isa 40:28. MUKAMA ni mukuru, kandi ashemereire kuhimbisibwa munonga,
Obukuru bwe tibwetegyerezibwa.
4 #
Bir 3:24; Isa 38:19. Ab'obusingye bumwe baryagambira ab'obundi busingye, nibasiima emirimo yaawe,
Kandi bamanyise eby'amaani ebi waakozire.
5Ndyagamba aha burungi bw'ekitiinisa ky'obukuru bwawe,
Ngume ninteekateeka aha mirimo yaawe y'okutangaaza.
6 #
Zab 78:4. Abantu baryagamba aha maani g'ebirikutiinisa ebi okora;
Kandi naanye ndyagamba aha bukuru bwawe.
7 #
Isa 63:7. Baryagamba munonga aha kurangaanwa kw'oburungi bwawe obwingi,
Beeshongore eby'okuhikiirira kwawe.
8 #
Zab 86:15; Kur 34:6. MUKAMA n'owembabazi kandi n'omunyasaasi buzima,
Tarahuka kuguubwa kubi, kandi aine okusaasira kwingi.
9 #
Zab 100:5; Mat 5:45. MUKAMA ni murungi ahari boona,
Kandi agira embabazi nyingi ahari byona ebi yaahangire.
10 #
Zab 19:1; 103:22. Ai MUKAMA, ebi waahangire byona biryakuhimbisa,
N'abarikwera baawe baryakusingiza.
11Baryagamba aha kitiinisa ky'obukama bwawe,
Bagambe aha by'obushoboorozi bwawe,
12 #
Zab 105:1. Okumanyisa abantu eby'amaani ebi okora,
N'ekitiinisa ky'obukuru bw'obukama bwawe.
13 #
Zab 10:16; Dan 4:34. Obukama bwawe n'obukama bw'ebiro byona,
N'obutegyeki bwawe buryagumaho obusingye bwona.
14 #
Zab 37:24; 146:8. MUKAMA aramira boona abarikugwa,
Kandi aimutsya boona abeyinamiriire.
15 #
Zab 104:27, 28. Ebintu byona bikutega amaisho,
Naiwe obiha eby'okurya omu bunaku obuhikire.
16Oshashaanura engaro zaawe,
Ohaazya ekintu kyona ekihuriire ebi kirikwetenga.
17 #
Zab 116:5. MUKAMA n'ohikiriire omu mitwarize ye yoona,
Kandi ow'embabazi omu bi akora byona.
18 #
Zab 119:151; Bir 4:7; Yoh 4:23, 24; Yak 4:8. MUKAMA ari haihi na boona abamutakira,
Boona abamutakira omu mazima.
19 #
Zab 31:22; Enf 10:24; Yoh 9:31; 1 Yoh 5:14. Abarikumutiina aryabamarira ebi barikwetenga,
Kandi aryahurira okutaka kwabo, abajune.
20 #
Zab 97:10. MUKAMA arinda boona abarikumukunda;
Kwonka ababi boona ryabahwerekyereza.
21 #
Zab 150:6. Akanwa kangye karyagamba eby'okuhimbisa MUKAMA;
Ebiine omubiri byona bisiime eiziina rye eririkwera ebiro n'ebiro.
Currently Selected:
Zaaburi 145: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
