Zaaburi 147
147
Okusiima Ruhanga ahabw'amaani ge n'ebirungi ebi yaakoreire Abaisraeli
1 #
Zab 92:1. Haleluya!
ahakuba ni kirungi okweshongorera Ruhanga waitu eby'okuhimbisa;
Ahabw'okuba n'ow'embabazi, kandi okuhimbisa kuhikire.
2 #
Zab 102:16; Bir 30:3; Isa 11:12; 56:8. MUKAMA ayombeka busya Yerusaalemu,
Ataruura Abaisraeli abaabingirwe.
3 #
Zab 34:18; Isa 61:1. Akiza ab'emitima ehendekire,
Ashemba obuhuta bwabo.
4 #
Kut 15:5; Isa 40:26. Amanya obwingi bw'enyonyoozi,
Zoona azeeta amaziina gaazo
5 #
Isa 40:28; Nah 1:3. MUKAMA waitu ni mukuru, kandi n'ow'obushoboorozi bwingi;
Okwetegyereza kwe kurengire orugyero.
6 #
Zab 146:8, 9. MUKAMA akwatirira abacureezi;
Kwonka ababi abanagira kimwe ahansi.
7 #
Zab 95:1, 2; 1 Bus 15:16; Efe 5:19. Mweshongorere MUKAMA n'okusiima;
Mweshongorere Ruhanga waitu n'enanga!
8 #
Zab 104:14; Yob 5:10. Niwe ashweka eiguru ebicu, akateekateekyera ensi enjura,
Kandi akameza obunyaatsi aha migongo.
9 #
Zab 104:27, 28; Yob 38:41; Mat 6:26. Aha enyamaiswa eby'okurya byazo,
Kandi ariisa abaana b'ebikoona abarikwaniira.
10 #
Zab 33:17. Tayesiimira maani g'embaraasi,
M'amaguru g'omuntu tigo ashemerererwa,
11 #
Zab 33:18; 149:4. Kureka MUKAMA ashemerererwa abarikumutiina,
Bakeesiga embabazi ze ezitahinduka.
12Iwe Yerusaalemu, himbisa MUKAMA!
Naiwe Saayuuni, himbisa Ruhanga waawe!
13Ahakuba akagumya empimbi z'amarembo gaawe;
N'abaana baawe abari omuriiwe yaabaha omugisha.
14 #
Zab 81:16; Kur 34:24; Isa 60:17, 18. Areeta obusingye omunda y'emyatano yaawe;
Akwijuza engano nungi munonga.
15Atweka ekiragiro kye ahansi;
Ekigambo kye kiirukanga munonga.
16 #
Yob 37:6; 38:29. Agwisa ebirika nk'ebyoya;
amaamagiza ekime ky'embeho nk'eiju.
17 #
Yob 37:9, 10. Anaga orubaare rwe nk'oburagarika.
N'oha owaakubaasa kwemera embeho ye?
18Atweka ekigambo kye, abiyazya;
Ahuuhisa omuyaga gwe, amaizi gagyenda.
19 #
Bir 33:4; Mal 4:4; Rom 3:2. Amanyisa Yakobo ekigambo kye,
Na Israeli amumanyisa ebiragiro bye n'emicwere ye.
20 #
Bir 4:32-34. Tihariho ihanga erindi ryona eri aragizire atyo;
Kandi n'emicwere ye tibakagimanyaga.
Haleluya!
Currently Selected:
Zaaburi 147: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
