Zaaburi 144
144
Okushaba kw'omurwani orikwesiga Mukama
Zaaburi ya Daudi
1 #
Zab 18:31, 34. MUKAMA orukiri rwangye ahimbisibwe,
Oyegyese emikono yangye kurashana, n'engaro zangye kurwana;
2 #
Zab 18:2, 47. Niwe rukiri rwangye, n'orugo rwangye orugumire;
Omunaara gwangye omuraingwa, kandi omujuni wangye;
Engabo yangye, kandi ou nyesiga,
Ongomoorera abantu bangye.
3 #
Zab 8:4. Omuntu ni kintu ki Iwe okumwijuka,
Nari shi omwana w'omuntu Iwe okumuteekateekaho?
4 #
Zab 39:5; 102:11. Omuntu ni nk'omwitsyo;
Ebiro bye ni nk'ekibunda ekirikuhwaho.
5 #
Zab 18:9; 104:32; Isa 64:1. Ai MUKAMA, inamya eiguru ryawe, oshuume;
Okore aha bibungo, bicumbe omwika.
6 #
Zab 18:14. Yohereza emirabyo y'enkuba, obataataanise;
Orashe emyambi yaawe, obabingye.
7 #
Zab 18:16; 69:14. Gorora omukono gwawe nooyema ahaiguru;
Onjune, onyihe omu maizi maingi,
Omu mikono y'abanyamahanga;
8 #
Zab 12:2; Isa 62:8. Akanwa kaabo kagamba ebitaine mugasho,
N'omukono gwabo gwa buryo n'ogw'ebishuba.
9 #
Zab 33:2, 3. Ai Ruhanga, naaza kukweshongorera ekyeshongoro kisya,
Nyeshongore eby'okukuhimbisa ninteera enanga y'mirya ikumi.
10Niiwe oha abagabe obusinguzi,
Okakiza omwiru waawe Daudi rurara erikwita kubi.
11Onjune, onyihe omu mikono y'abanyamahanga,
Abu akanwa kaabo kagamba ebitaine mugasho,
N'omukono gwabo gwa buryo gukaba ogw'ebishuba.
Okushaba Ruhanga emigisha y'omu maka
12 #
Zab 128:3; Lev 26:3-10. Nkaabaasibwa ki, batabani baitu bakura nk'emiti erikunyeeta omu butsigazi bwabo;
Bahara baitu baba nk'amabaare agabaizirwe kwombeka nyaruju;
13N'ebitara byaitu biijura eby'okurya by'emiringo yoona;
Entaama zaitu zizaara enkumi n'obukumi omu mariisizo gaitu;
14 #
Isa 24:11. Ente zaitu zihaka, zireka kutorooga;
Hareka kugira abaasheenya orugo, bakataaha,
Nari abaashohora kuza kurwana;
N'obu kwakuba okuboroogyera omu bihandagazi byaitu!
15 #
Zab 33:12; 146:5; Bir 33:29. Eihanga eryakuba rityo rikaaba rihiiriirwe!
Eego, eihanga eri Ruhanga waaryo aba Yehova rihiiriirwe!
Currently Selected:
Zaaburi 144: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
