Zaaburi 143
143
Okushaba kw'omuntu enshoberwa okuhaburwa oku ashemereire kutwaza
Zaaburi ya Daudi
1 #
Zab 140:6; 1 Yoh 1:9. Hurira okushaba kwangye, ai MUKAMA; otegye okutu okweshengyereza kwangye;
Ahabw'okwesigwa kwawe n'okuhikiirira kwawe ongarukyemu.
2 #
Zab 130:3; Yob 14:3; 25:4; Mub 7:20; Rom 3:23; 1 Kor 4:4. Otacwera omwiru waawe orubanja;
ahabw'okuba omu maisho gaawe tihariho muntu weena ohuriire orisinga orubanja.
3 #
Zab 88:3-6; Tonz 3:6. Noomanya ngu omuzigu wangye ampiigire,
Yaateera amagara gangye ahansi;
Yanshutamya omu kizima, nk'abaafiire ira.
4 #
Zab 77:3. Nikyo omwoyo gwangye gurikugwera enshazi omunda yangye,
N'omutima gwangye gukeeshobera.
5 #
Zab 77:5, 11, 12. Niinyijuka ebiro ebya ira; nguma ninteekateeka ahari byona ebi okora;
Ninteekateeka aha bi emikono yaawe yaakozire.
6 #
Zab 42:2; 63:1; Yob 11:13. Nkutegire emikono;
Omutima gwangye gukwiniire eiriho, nk'ori omu nsi eyomire.
Sera
7 #
Zab 27:9; 28:1; 69:17. Rahuka kungarukamu, ai MUKAMA, omwoyo gwangye nigugwa enshazi;
Otaanyima amaisho, nkaba nk'abarikushuuma Okuzimu.
8 #
Zab 25:1, 4; 90:14. Ompurize omu kasheeshe eby'embabazi zaawe ezitahinduka;
Ahakuba niiwe nyesiga.
Ompabure omuhanda ogu nshemereire kurabamu,
Ahakuba niiwe nyimukiza omutima.
9 #
Zab 59:1. Onkize abazigu bangye, ai MUKAMA!
Niiwe mpungiireho ntakwakwa.
10 #
Zab 23:3; 119:12; Neh 9:20; Isa 26:10. Onyegyese kukora ebi okunda,
Ahakuba niiwe Ruhanga wangye;
Omwoyo waawe omurungi anyebembere omu muhanda oguringaniire.
11 #
Zab 25:11; 71:20. Ompimbuure, ai MUKAMA, ahabw'eiziina ryawe;
Ahabw'okuhikiirira kwawe onyihe omu naku!
12 #
Zab 54:5; 116:16. Ahabw'embabazi zaawe ezitahinduka cwekyereza abazigu bangye;
Kandi omareho boona abarikubonabonesa amagara gangye;
Ahabw'okuba ndi omwiru waawe.
Currently Selected:
Zaaburi 143: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
