Zaaburi 140
140
Okushaba okurindwa aha bantu abanyamwaga
Aha Mukuru w'abeeshongozi. Zaaburi ya Daudi
1Ai MUKAMA, onkize abantu babi;
Ondinde abanyamwaga,
2 #
Zab 18:48. Abateekateeka enaama mbi omu mitima yaabo,
Abeeteerana obutoosha kurwana.
3 #
Zab 52:2; 58:4; Rom 3:13. Bashongoire orurimi rwabo nk'enjoka,
Omu minwa yaabo harimu obushegu bw'encwera. Sela
4 #
Zab 71:4. Ai MUKAMA, ondinde emikono y'ababi;
Ondinde abanyamwaga, abahanwire kutega ebigyere byangye.
5 #
Yob 18:8-10; Yer 18:22. Ab'amaryo bantegire omutego n'emigoye;
Bategire ekigoye aha muhanda,
Bantega orugogo. Sela
6 #
Zab 28:2. Naagira MUKAMA nti: Niiwe Ruhanga wangye;
Tega amatu eiraka ry'okweshengyereza kwangye, ai MUKAMA.
7 #
Zab 28:8. Ai RUHANGA, Mukama wangye, Omujuni wangye ow'amaani,
Okakingira omutwe gwangye aha izooba ry'orugamba.
8 #
Zab 35:25; Yob 5:12, 13. Ai MUKAMA, otaikiriza kuha omubi ebi arikwetenga,
Kandi otamukwatsa kugumizamu n'enaama ye embi,
Arekye kwehimbisa. Sela
9 #
Zab 7:16. Abanyehinguririize nibeehimbisa;
Eitima ry'eminwa yaabo ribamareho;
10 #
Zab 11:6. Amakara agarikwaka gabagweho;
Banagwe omu biina batarirugayo.
11Orikugambuura atarihama omu nsi;
Ekibi kihiigye omunyamwaga, kimuhwerekyereze.
12 #
Zab 9:4; 1 Bag 8:59. Nimmanya ngu MUKAMA aryatonganira abarikubonabonesibwa,
Arwanirire amazima g'abakyene.
13 #
Zab 11:7; 64:10. Buzimazima abahikiriire baryasiima eiziina ryawe;
N'ab'emitima egororokire baryatuura ah'ori.
Currently Selected:
Zaaburi 140: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
