Zaaburi 139
139
Oku Ruhanga amanya ebintu byona, kandi oku ataine hu arikwesherekwa
Aha Mukuru w'abeeshongozi. Zaaburi ya Daudi.
1 #
Zab 17:3; 44:21; Yer 12:3. Ai MUKAMA, okancaaka, wammanya.
2 #
2 Bag 19:27; Tonz 3:63; Mat 9:4; Yoh 2:24, 25. Noomanya emishutamire yangye, n'emyimukire yangye,
Omanyiire hare ebiteekateeko byangye.
3 #
Yob 31:4. Orondoreza kimwe emigyendere yangye n'emibyamire yangye,
Kandi noomanya emihanda yangye yoona;
4 #
Heb 4:13. Ahakuba orurimi rwangye ku ruba rutakashohoize kigambo,
Reeba MUKAMA, iwe oba waakimanyiire kimwe.
5Ondi omumaisho n'enyima,
Kandi ontaireho omukono gwawe.
6 #
Yob 42:3; Rom 11:33. Okumanya nk'okwo nikuntangaaza kurengyesereize;
N'okw'ahaiguru munonga, tindikukubaasa.
7 #
Yer 23:24; Yon 1:3. Ndyayetantarira hi Omwoyo waawe?
Nari ndyahungira hi amaisho gaawe?
8 #
Yob 26:6; Enf 15:11; Amo 9:2. Ku ndaatembe omu iguru, okwo niyo ori;
Ku ndaatinde ekitabo kyangye Okuzimu, reeba nayo oriyo.
9Ku ndaagurukise amapapa g'akasheeshe,
Naatuura aha muheru gw'enyanja,
10 #
Zab 23:3. N'okwo nayo omukono gwawe guryanyebembera,
Omukono gwawe gwa buryo gunkwate.
11 #
Yob 22:13, 14. Ku ndaagire nti: Buzima omwirima nigwija kunshweka,
Kandi n'omushana oguunyehinguririize gube ekiro;
12 #
Yob 34:22; Dan 2:22. Omwirima nagwo tigwine ki gukushereka;
Ahakuba ekiro kihweza nka nyomushana;
Omwirima n'omushana nikyo kimwe ahariiwe.
13Ahakuba niiwe waahangire ebicweka by'omunda yangye,
Okanteeranira omu nda ya maawe.
14 #
Yob 5:9. Ninkuhimbisa ahabw'okumpanga omu muringo gw'eihano kandi ogurikutangaaza;
Ebi waakozire n'eby'okutangaaza,
Kandi eby'omu mutima gwangye noobimanya gye buzima.
15 #
Yob 10:8-11. Ekyemerero kyangye tikirakusherekirwe,
Ibu naabaire nimpangirwa omu mubonano,
Ninkorwa omu muringo ogutarikushobooroka omu myanya y'okuzimu ahansi y'ensi.
16Amaisho gaawe gakaba gandeebera omu nda, nkiri amaizi;
Omu kitabo kyawe hahandiikirwemu ebiro byangye byona,
Nk'oku byaragiirwe, hatakabaireho na kimwe.
17 #
Zab 92:5. Ai Ruhanga, ebiteekateeko byawe ka n'eby'obuguzi bwingi ahariinye!
Ku orikubiteeranira hamwe ni bingi.
18 #
Zab 40:5. Ku naakubibara, bikaakira omusheenyi obwingi.
Ku nsisiimuka, mba nkiri hamwe naiwe.
19 #
Zab 6:8; Isa 11:4. Nkaahenwa ki, oita ababi, ai Ruhanga,
Abakunda kusheesha eshagama bandugaho,
20 #
Kur 20:7; Yud 15. Abakugambaho kubi,
Abazigu baawe abarahirira busha eiziina ryawe.
21 #
Zab 26:5. Ai MUKAMA, abakwanga timbanga?
Tingwerwa kubi abaimuka kukurwanisa?
22Nimbangira kimwe buzima;
Mbeeta abazigu bangye.
23 #
Zab 26:2; Yer 17:10. Oncaakye, ai Ruhanga, omanye omutima gwangye;
Ongyeze, omanye ebiteekateekateeko byangye;
24Oreebe omuriinye ku haraabe harimu emitwarize yoona emibi,
Haza onyebembere omu muhanda ogw'ebiro n'ebiro.
Currently Selected:
Zaaburi 139: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
