Zaaburi 141
141
Okushaba Ruhanga okuturinda ngu turekye kumuhemukaho
Zaaburi ya Daudi
1 #
Zab 70:5. Ai MUKAMA, rahuka kumpikaho;
Ohurire eiraka ryangye, ku ndaakutakire!
2 #
Kur 29:41; Luk 1:10; 1 Tim 2:8; Kush 5:8. Okushaba kwangye kube nk'omugaju omu maisho gaawe,
N'okwimutsya emikono yangye kube nk'ekitambo ky'omu mwabazyo.
3 #
Zab 34:13. Ote omurinzi aha kanwa kangye, ai MUKAMA,
Kandi ogume noorinda omuryango gw'eminwa yangye!
4 #
Zab 119:36; Enf 23:6; Mat 6:13. Otaanyikiriza kuta omutima aha kintu kyona ekibi,
Ndekye kuguma ninkora eby'okutahikiirira n'ekozi z'ebibi,
N'obu kwakuba okurya aha by'okurya byazo ebinuzire.
5 #
Zab 109:4; Enf 9:8; 27:6; Mub 7:5. Omuntu murungi anteere nari ampane n'embabazi;
Kwonka amajuta g'omubi gatarishukwa aha mutwe gwangye;
Ahakuba obutoosha nshaba nindwanisa emicwe yaabo emibi.
6Ku bariheebwayo omu mikono y'abaribacwera orubanja,
Obwo nibwo barimanya ngu ekigambo kya Ruhanga n'eky'amazima.
7 #
Zab 53:5. Nk'oku omuhingi abanjura eitaka, akaritabira,
Nikwo amagufa gaabo garinaganagwa gatyo aha munwa gw'Okuzimu.
8 #
Zab 11:1; 25:15. Kwonka niiwe ntaireho amaisho, ai MUKAMA Ruhanga;
Niiwe nsheruramu obuhungiro; otantsiga ntaine kirinda!
9 #
Zab 140:5. Ondinde omutego ogu bantegire,
n'orugogo rw'enkozi z'ebibi.
10 #
Zab 7:15, 16; Est 7:10. K'ababi bagwe omu migoye ei bategire,
Haza nyowe nkire.
Currently Selected:
Zaaburi 141: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
