Zaaburi 138
138
Okusiima Ruhanga ahabw'emigisha ei aha abantu be abacureezi
Zaaburi ya Daudi
1 #
Zab 95:3; 111:1. Ndyakusiima n'omutima gangye gwona;
Omu maisho ga baaruhanga ndyayeshongora eby'okukuhimbisa.
2 #
Zab 5:7. Ndyaramua, mpindukire ei hekalu yaawe erikwera eri,
Nsiime eiziina ryawe ahabw'embabazi zaawe ezitahinduka n'ahabw'amazima gaawe;
Ahabw'okuba okaha ekigambo kyawe ekitiinisa okukira ebindi byona.
3Aha izooba eri naakutakiriireho, okangarukamu,
Wangumya ahabw'okuha amagara gangye amaani.
4 #
Zab 102:15. Abagabe boona ab'omu nsi baryakusingiza, ai MUKAMA;
Ahakuba bahuriire ebigambo by'omu kanwa kaawe.
5Kandi baryayeshongora eby'emitwarize ya MUKAMA,
ahakuba ekitiinisa kya MUKAMA ni kingi.
6 #
Zab 113:5, 6; Enf 3:34; Luk 1:48; Yak 4:6. Mumanye ngu MUKAMA, n'obu araabe ari ahaiguru munonga,
Ata omutima aha bacureezi;
Kwonka ab'amaryo abamanyira hare.
7 #
Zab 23:4; 71:20. N'obu ndaabe ningyenda enaku ziinyehinguririize,
Kwonka oryarinda amagara gangye.
Oryagorora omukono gwawe kurwanisa ekiniga ky'abazigu bangye,
Kandi omukono gwawe gwa buryo guryankiza.
8 #
Zab 57:2; Fil 1:6; 1 Bus 16:34. MUKAMA aryahikiiriza byona ebi yanteekateekyeire;
Embabazi zaawe, ai MUKAMA, n'ez'ebiro byona;
Otareka ebi waayekoreire n'emikono yaawe.
Currently Selected:
Zaaburi 138: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
