Zaaburi 137
137
Obushaarizi obu enkwatwa zaarebire omuri Babulooni
1 #
Ezk 1:1. Aha rubaju rw'emigyera ya Babulooni tukashutama,
Twarira ahabw'okwijuka Saayuuni.
2Twahanika enanaga zaitu aha biti,
Ebyabaire biri aha rubaju rw'ebyo migyera.
3Ahakuba abaatunyagire, aho niho baaturagiririire kweshongora,
Kandi abaabaire nibatuboroozya, baaturagiira kusheka,
Nibagira bati: Mutweshongorere ekyeshongoro kimwe aha bya Saayuuni.
4Nitubaasa tuta kweshongora ekyeshongoro kya MUKAMA
Omu ihanga eritari ryaitu?
5Ku ndaakwebwe, iwe Yerusaalemu,
Omukono gwangye gwa buryo gukookoote.
6 #
Yob 29:10; Ezk 3:26. Orurimi runyomere aha nkanka,
Ku ndaabe ntakwijukire,
Ntakunzire Yerusaalemu okukira ebirikunshemeza byona.
7 #
Tonz 4:21, 22; Ezk 35:2, 15; Amo 1:11, 12; Oba 8-14. Ai MUKAMA, ijuka eki Abanyedomu baakozire buri
Aha izooba rya Yerusaalemu, obu baagira bati:
Nimugisheenye, mugisheenye, muhikye aha misingi yaayo.
8Iwe Babulooni 'we, orikwija kuhwerekyerezibwa,
Orikuzimuurira nk'ebi waatugiriire, ahiiriirwe!
9Orikwata abaana baawe abato, akabateera aha nkiri,
Ahiiriirwe!
Currently Selected:
Zaaburi 137: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
