Zaaburi 119
119
Okuteekateeka munonga aha Biragiro bya Ruhanga
Alefu
1 #
Zab 128:1; Kut 17:1. Baine omugisha abu emitwarize yaabo ehikire,
Abagyendera omu kutegyekwa ebiragiro bya MUKAMA.
2 #
Bir 4:29; 2 Bus 15:2. Baine omugisha abarinda ebi yaahamize,
Abamusherura n'omutima gwabo gwona,
3Kandi abatakora kibi kyona,
Kureka abagyendera omu mihanda ye.
4Okatuha ebiragiro byawe,
Ngu twezirikye kubyorobera.
5Nkaahenwa ki emitwarize yangye eba ehamire,
Mbona kworobera ebi waataireho!
6 #
Zab 119:80; Yob 22:26. Ku ndita omutima aha biragiro byawe byona,
Tindikwatwa nshoni.
7Ndyakusiima n'omutima ogugororokire,
Ku ndiba naayegire emicwere yaawe ey'oburyo.
8 #
Zab 38:21; 71:9, 18. Ndyaguma ndinde ebi waataireho;
Ai bambe, otantsigiraho kimwe.
Beth
9 #
Enf 1:4. Omutsigazi aryashemeza ata omuhanda gwe?
Aryagushemeza ahabw'okugurinda, nk'ekigambo kyawe oku kiri.
10Ninkusherura n'omutima gwangye gwona;
Otandeka kuruga omu biragiro byawe, nkahaba.
11 #
Zab 37:31; Luk 2:19, 51. Ekigambo kyawe nkibiikire omu mutima gwangye,
Ngu ndekye kukucumuraho.
12Ori ow'okusiimwa, ai MUKAMA;
Onyegyese ebiragiro ebi waataireho.
13 #
Zab 40:9. Nkagambira abantu n'eminwa yangye
Emanja zoona ezi waacwire.
14 #
Enf 3:13-15; 8:10, 11. Nyesiimira omuhanda gw'ebi waahamize,
Nk'oku nyesiimira okugira eitungo ryona.
15Ndyateekateeka munonga aha kuhabura kwawe,
Nte omutima gwangye aha mihanda yaawe.
16Ndyayesiimira ebiragiro ebi waataireho;
N'ekigambo kyawe tindikyebwa.
Gimel
17 #
Zab 13:6. Ogirire omwiru waawe embabazi nyingi, mbone kuguma ndi ohuriire;
Haza ngume nyorobere ekigambo kyawe.
18Humuura amaisho gangye,
Mbone kureeba eby'okutangaaza eby'omu biragiro byawe.
19 #
Zab 39:12. Omu nsi ndi empinguzi;
Otanshereka ebiragiro byawe.
20 #
Zab 42:1, 2. Omutima gwangye gucwekire ahabw'okwetenga
Ebi oragiira buri kaanya.
21 #
Bir 27:26. Okahana ab'amaryo abakyeenirwe,
Abarikuhaba okuruga omu biragiro byawe.
22Onyiheho okujunwa n'okugaywa;
Ahabw'okuba ndinzire ebi waahamize.
23Abanyiginya n'obu baraabe baashutamire bakangiira omu naama,
Kwonka omwiru waawe naija kuguma naateekateeka aha biragiro ebi waataireho.
24 #
Rom 7:22. Ebi waahamize nibyo nshemerererwa,
Kandi nibyo bimpa obwengye.
Daleth
25 #
Zab 44:25. Amagara gangye gakwataniire kimwe n'omucuucu;
Ompimbuure, nk'ekigambo kyawe oku kiri.
26Ku naakugambiire eby'emihanda yangye, wangarukamu;
Onyegyese ebiragiro ebi waataireho.
27Ommanyise omuhanda gw'ebi oyegyesa,
Mbone kuguma ninteekateeaka aha by'okutangaaza ebi waakozire.
28 #
Zab 22:14. Omutima gwangye niguyaga ahabw'obusaasi;
Ongaruremu amaani, nk'ekigambo kyawe oku kiri.
29 #
Enf 30:8. Onyiheho emitwarize y'ebishuba;
Ahabw'embabazi zaawe onyegyese ebiragiro byawe.
30Nyihiremu omuhanda gw'obwesigwa;
Emicwere yaawe ngitaire omu maisho gangye.
31Mpamiire aha bi waahamize;
Ai MUKAMA, otankwatsa enshoni.
32 #
1 Bag 4:29; Isa 60:5; 2 Kor 6:11, 13. #119:32 Nari, Ku oryongyera omutima gwangye okwetegyereza. Ku oriha omutima gwangye obusingye.
Ndyaguma niinyiruka, ndi omu muhanda gw'ebiragiro byawe.
He
33 #
Mat 10:22; Heb 3:6; Kush 2:26. Ai MUKAMA, onyegyese omuhanda gw'ebiragiro ebi waataireho;
Ndyagugumamu okuhitsya aha muheru.
34 #
Enf 2:6; Yak 1:5. Ompe okwetegyereza, mbone kworobera ebiragiro byawe,
N'okubikwata n'omutima gwangye gwona.
35 #
Zab 25:4. Ongyendese omu muhanda gw'ebiragiro byawe;
Ahakuba nigwo nshemerererwamu.
36 #
Zab 141:4; Luk 12:15; 1 Tim 6:10; Heb 13:5. Okundise omutima gwangye ebi waahamize,
Gurekye kuhugira omu kwetenga.
37 #
Enf 23:5. Ohindure amaisho gangye, garekye kureeba ebitaine mugasho;
Ompimbuure, ngyendere omu mihanda yaawe.
38 #
2 Sam 7:25. Ohamize omwiru waawe ekigambo kyawe,
Ekyaraganisiibwe abarikukutiina.
39Ompinguzeho ekijumo eki ndikutiina;
Ahakuba emicwere yaawe ni mirungi.
40Reeba, ntuura niinyetenga ebi oyegyesa;
Omu kuhikiirira kwawe ompe amagara.
Vau
41 #
Zab 106:4. Embabazi zaawe zimpikyeho, ai MUKAMA,
Nikwo kujuna kwawe, nk'ekigambo kyawe oku kiri;
42 #
Enf 27:11. Mbone kugira eky'okugarukamu orikunjuma;
Ahakuba nyesiga ekigambo kyawe.
43Kandi ekigambo ky'amazima otakiihira kimwe omu kanwa kangye;
Ahakuba nyine amatsiko aha micwere yaawe;
44Nahabw'ekyo ndyaguma nyorobere ebiragiro byawe
Ebiro n'ebiro.
45 #
Enf 4:12; Yoh 8:32. Kandi ndyaguma ngyende n'obusingye;
Ahakuba nsherwire ebi oyegyesa.
46 #
Mat 10:18; Byak 26:1, 2. Ndyagambira omu maisho g'abagabe ebi waahamize,
Kandi tindikwatwa nshoni.
47Ndyashemerererwa ebiragiro byawe,
Ebi naakunzire.
48 #
Zab 28:2. Ndyaha ekitiinisa ebiragiro byawe, ebi naakunzire;
Kandi ndyaguma ninteekateeka aha biragiro ebi waataireho.
Zain
49Ijuka ekigambo eki waagambiire omwiru waawe,
Eki wangiriizemu amatsiko.
50 #
Rom 15:4. Ekyo nikyo kimpuumuza omutima omu kubonabona kwangye;
Ahakuba ekigambo kyawe kingarwiremu amagara.
51 #
Zab 123:4; Yob 23:11; Yer 20:7. Ab'amaryo bakanshekyerera munonga;
Kwonka tinaateishuka kureka ebiragiro byawe.
52Ku nyijuka emicwere yaawe eya ira, ai MUKAMA,
Ngarukwa omutima omunda.
53 #
Neh 13:25. Ngira ekiniga kingi,
Ahabw'ababi abarikureka ebiragiro byawe.
54Ebiragiro ebi waataireho bimbeereire ebyeshongoro
Omu nju ei ncumbikiremu
55 #
Zab 42:8; 63:6. Ai MUKAMA, ntuura niinyijuka eiziina ryawe nyekiro,
Kandi nyorobera ebiragiro byawe.
56Omugisha ogu nkagutunga
Ahabw'okworobera ebi oyegyesa.
Cheth
57 #
Zab 16:5; Yer 10:16; Tonz 3:24. Mukama niwe mugabo gwangye;
Nkagira nti: Ndyayorobera ebigambo byawe.
58Ninkweshengyereza n'omutima gwangye gwona, ongirire embabazi;
Onsaasire, nk'ekigambo kyawe oku kiri.
59 #
Tonz 3:40; Luk 15:17. Ku naateekateekire aha mihanda yangye,
Naahindura ebigyere byangye kukuratira ebi waahamize;
60Naarahuka kworobera ebiragiro byawe,
Tinaayeziringa.
61Emigoye y'ababi n'obu eraabe yanzingazingire,
Kwonka tineebwaga biragiro byawe.
62 #
Byak 16:25. Obutoosha nyimuka omu itumbi kukusiima
Ahabw'emicwere yaawe ey'oburyo.
63 #
Zab 101:6. Ndi mugyenzi wa boona abakutiina,
Kandi n'abakwata ebi oyegyesa.
64 #
Zab 33:5. Ai MUKAMA, ensi eijwire okusaasira kwawe;
Onyegyese ebiragiro ebi waataireho.
Teth
65Otwarize gye omwiru waawe,
Ai MUKAMA, nk'oku ekigambo kyawe kiri.
66 #
Fil 1:9. Onyegyese okucwamu ekihikire, kandi n'okumanya;
Ahakuba nyikirize ebiragiro byawe.
67 #
Yer 31:18, 19; Hos 5:15; Heb 12:11; Kush 3:19. Obu naabaire ntakabonabonesiibwe, nkahaba;
Kwonka hati niinyorobera ekigambo kyawe.
68 #
Zab 107:1. Ori murungi, kandi okora ebirungi;
Onyegyese ebiragiro ebi waataireho.
69 #
Zab 109:2; Yob 13:4. Ab'amaryo bancwereire ekishuba;
Kwonka ndyakwata ebi oyegyesa n'omutima gwangye gwona.
70 #
Zab 17:10; Isa 6:10; Byak 28:27. Omutima gwabo gugomokire n'ekirite;
Kwonka nyowe nyesiimira ebiragiro byawe.
71 #
Heb 12:10. Kikangasira okubonabonesibwa,
Ngu mbone kwega ebiragiro ebi waataireho.
72 #
Zab 19:10; Enf 8:10. Ebiragiro by'omu kanwa kangye nibimpitira
Ebicweka rukumi eby'ezaabu n'efeeza.
Yodi
73 #
Zab 100:3; Yob 10:8. Engaro zaawe nizo zampangire, kandi nizo zambumbire;
Ompe okwetegyereza, mbone kwega ebiragiro byawe.
74 #
Zab 34:2; 130:5. Abarikukutiina baryandeeba, bashemererwe;
Ahabw'okuba ntuura nyine amatsiko aha kigambo kyawe.
75 #
Zab 33:4. Ai MUKAMA, nimmanya ngu emicwere yaawe n'ey'oburyo,
Kandi ngu okambonabonesa omu bwesigwa.
76Ninkweshengyereza embabazi zaawe ezitahinduka zibe ez'okumpuumuza omutima,
Nk'ekigambo eki waagambiire omwiru waawe oku kiri.
77Embabazi zaawe zimpikyeho, mbone kugama ndi ohuriire;
Ahakuba ebiragiro byawe nibyo nshemerererwa.
78 #
Zab 25:3. Ab'amaryo bakwatwe enshoni, ahabw'okunteerera ahansi busha,
Kwonka nyowe ndyaguma nteekateekye aha kuhabura kwawe.
79 #
Yer 15:19. Abarikukutiina bampindukire,
Babone kumanya ebi waahamize.
80Omutima gwangye gube oguhikire omu biragiro ebi waataireho,
Ndekye kukwatwa enshoni.
Kafu
81 #
Zab 42:1, 2; 84:2. Amagara gangye gagwire enshazi ahabw'okwetenga okujuna kwawe;
Kandi ekigambo kyawe nikyo nyineho amatsiko.
82 #
Zab 69:3; 101:2. Amaisho gampotokire ahabw'okutegyereza ekigambo kyawe,
Nimbuuza nti: Oryampuumuza ryari omutima?
83 #
Yob 30:30. Ahakuba mpindukire nk'efurebe ehanikire omu mwika;
Kwonka tinkeebwaga biragiro ebi waataireho.
84 #
Zab 7:6; 39:4; Kush 6:10. Omwiru waawe aryahitsya hi okugumisiriza?
Oryacwa ryari orubanja rw'abarikumpiiga?
85 #
Zab 7:15; 35:7. Ab'amaryo abatoorobera biragiro byawe,
Bandimiire obusya.
86 #
Zab 35:19; 109:26. Ebiragiro byawe byona n'eby'okwesigwa;
Nibampiigira busha; ompe emikono.
87Bari haihi kuunyiha omu nsi;
Kwonka tinkarekire bi oyegyesa.
88Mpimbuura, nk'embabazi zaawe nyingi oku ziri;
Mbone kworobera ebi akanwa kaawe kahamize.
Lamed
89 #
Isa 40:8; Mat 24:35. Ai MUKAMA, ekigambo kyawe kihamire omu iguru ebiro byona.
90 #
Zab 148:6; Mub 1:4; Yer 33:25. Okwesigwa kwawe kugumaho okuhitsya obusingye bwona;
Okataho ensi, yaahamira kimwe.
91Bikiriho n'eri izooba nk'oku waaragiire;
Ahakuba ebintu byona biba abairu baawe.
92Kuri ntarashemerereirwe biragiro byawe,
Nkaahwerekyerereire omu kubonabona kwangye.
93Tindyebwa bi oyegyesa;
Ahabw'okuba nibyo ompeereiremu amagara.
94Ndi owaawe; onjune;
Ahakuba nsherwire ebi oyegyesa.
95Ababi bangwereire kuunyita;
Kwonka niinyija kuteekateeka aha bi waahamize.
96Ndeebire ngu ebihikire byona biine obugarukiro;
Kwonka ebiragiro byawe nibihika hare munonga.
Menu
97 #
Zab 1:2. Eshi nkunda ebiragiro byawe!
Nibyo nsiiba ninteekateekaho eizooba ryona.
98 #
Bir 4:6. Ebi oragiira bimpa obwengye oburikukira obw'abazigu bangye;
Ahakuba biguma naanye obutoosha.
99 #
2 Tim 3:15. Nyine okwetegyereza okurikweshumba okw'abarikuunyegyesa boona;
Ahakuba ebi waahamize nibyo ntuura ninteekateekaho.
100 #
Yob 12:12; 32:7-9. Niinyetegyereza okukira abagurusi,
Ahakuba nyorobera ebi oyegyesa.
101 #
Enf 1:15. Nzibira ebigyere byangye kutoora omuhanda gwona omubi,
Ngu mbone kworobera ekigambo kyawe.
102Tinkateishukaga micwere yaawe;
Ahakuba niiwe onyegyesa.
103 #
Zab 19:10. Ebigambo byawe ka nibinnurira,
Nibinnurira munonga okukira obwoki!
104Ebi oyegyesa bimpa okwetegyereza;
Nikyo nyangira omuhanda gwona ogw'ebishuba.
Nuni
105 #
Enf 6:23; 2 Pet 1:19. Ekigambo kyawe n'etabaaza emurika ebigyere byangye,
N'omushana ogujwera omuhanda gwangye.
106 #
Neh 10:29. Nkarahira endahiro, kandi naagihamya,
Nti: Ndyayorobera emicwere yaawe ey'oburyo.
107Nimbonabona munonga;
Mpimbuura nk'ekigambo kyawe oku kiri, ai MUKAMA.
108 #
Hos 14:2; Heb 13:15. Ninweshengyereza, oyakiire empongano zangye ez'okuhimbisa,
Kandi onyegyese emicwere yaawe, ai MUKAMA.
109 #
Bar 12:3. Amagara gangye gari omu kabi obutoosha,
Kwonka tinkeebwaga biragiro byawe.
110 #
Zab 91:3. Ababi bantegire omutego,
Kwonka tinkahabaga kuruga omu bi oyegyesa.
111 #
Bir 33:4; Yer 15:16. Ebi waahamize nibwo buhunguzi bwangye ebiro byona;
Buzima nibyo omutima gwangye gushemerererwa.
112 #
Zab 119:33. Ntaire omutima gwangye aha kuhitsya ebiragiro byawe ebi waataireho
Ebiro byona okuhitsya aha muheru.
Sameki
113 #
1 Bag 18:21; Yak 1:8. Nyanga abantu b'emitima ebiri;
Kwonka ebiragiro byawe nibyo nkunda.
114 #
Zab 3:3; 32:7. Niiwe bweshereko bwangye, kandi engabo yangye;
Nyesiga ekigambo kyawe.
115 #
Zab 6:8. Imwe nkozi z'ebibi 'mwe, mundugyeho,
Mbone kworobera ebiragiro bya Ruhanga wangye.
116 #
Zab 25:2; 146:5; Rom 5:5. Onkwatirire, mbone kugumaho, nk'okuraganisa kwawe oku kuri,
Ndekye kukwatirwa enshoni amatsiko gangye.
117Ondamire, mbone kugira obusingye,
N'okuguma ninta omutima aha biragiro bi waataireho.
118Ogaya abahaba okuruga omu biragiro byawe;
Buzima, obwengye bwabo n'obwa busha.
119 #
Isa 1:25; Ezk 22:18; Mal 3:3. Omaraho ababi boona ab'ensi nk'enkamba;
Nikyo nkundira ebi waahamize.
120 #
Hab 3:16. Omubiri gwangye nigutetema ahabw'okukutiina;
Kandi n'emicwere yaawe ningitiina.
Ayini
121Nkozire eby'oburyo n'ebya'amazima;
Otandekyera abarikuunyita kubi.
122 #
Yob 17:3. Oyemererere omwiru waawe ahabw'oburungi;
Ab'amaryo barekye kuunyita kubi.
123 #
Zab 69:3. Amaisho gangye gahotokire ahabw'okutegyereza okujuna kwawe,
N'ahabw'ekigambo kyawe eky'okuhikiirira.
124Otwaze omwiru waawe, nk'oku embabazi zaawe ziri.
Kandi onyegyese ebiragiro ebi waataireho.
125 #
Zab 116:16. Ndi omwiru waawe, ompe okwetegyereza,
Mbone kumanya ebi waahamize.
126Obunaku bwa MUKAMA obw'okukoreramu bwahika;
Ahakuba ebiragiro byawe babihindwire busha.
127 #
Zab 119:72. Nikyo ndikukundira ebiragiro byawe
Okukira ezaabu, n'obu yaakuba ezaabu enungi munonga.
128Nikyo nteekateekyera ngu ebi oyegyesa aha bintu byona bihikire;
Kandi nyanga omuhanga gwona ogw'ebishuba.
Pe
129Ebi waahamize n'eby'okutangaaza;
Nikyo kireetera omutima gwangye kubyorobera.
130 #
Zab 19:7. Ebigambo byawe, ku bishuuruurwa, bireeta omushana;
Biha aboorobi okwetegyereza.
131 #
Zab 42:1; Yob 29:23. Nkaashamya akanwa kangye, nyine ekyaka,
Ahabw'okwetenga munonga ebiragiro byawe.
132 #
Zab 25:16. Ompindukire, ongirire embabazi;
Nk'oku ozigirira abakunda eiziina ryawe.
133 #
Zab 19:13. Oshoronzye ebigyere byangye omu kigambo kyawe;
Otaikiriza okutahikiirira kwona kuntegyeka.
134 #
Luk 1:74. Oncungure, ndekye kwitwa kubi abantu;
Mbone kworobera ebi oyegyesa.
135 #
Zab 4:6. Oyakize omwiru waawe omushana gw'amaisho gaawe,
Onyegyese ebiragiro ebi waataireho.
136 #
Yer 9:1, 18; 14:17. Amaisho gangye gahimintika obutoosha emigyera y'amaizi,
Ahabw'abntu kutoorobera biragiro byawe.
Tsade
137 #
Zab 116:5; Ezr 9:15; Dan 9:7. Ai MUKAMA, ori ohikiriire;
Kandi emicwere yaawe n'ey'oburyo.
138 #
Zab 19:7-9. Okataho ebi waahamize omu kuhikiirira
N'omu bwesigwa buzima.
139 #
Zab 69:9. Obweziriki bwangye bummazireho,
Ahakuba ababisha bangye beebirwe ebigambo byawe.
140 #
Zab 12:6. Ekigambo kyawe kishemeire munonga;
Nikyo omwiru waawe akikundira.
141Tiinyine ku ndi, nibangaya;
Kwonka tinkeebwaga bi oyegyesa.
142 #
Zab 19:9; Yoh 17:17. Okuhikiirira kwawe n'okw'ebiro n'ebiro;
Kandi ebiragiro byawe n'amazima.
143 #
Zab 119:24. Enaku n'obusaasi binkwatsire;
Kwonka ebiragiro byawe nibyo nshemerererwa.
144 #
Yob 32:8. Ebi waahamzie bituura bihikiriire ebiro byona;
Ompe okwetegyereza, mbone kuguma ndi ohuriire.
Kofu
145 #
Zab 119:2. Ai MUKAMA, ninkutakira n'omutima gwangye gwona;
Ongarukyemu, mbone kworobera ebiragiro ebi waataireho.
146Ninkutakira; njuna;
Mbone kworobera ebi waahamize.
147 #
Zab 5:3; 130:5. Nyimuka omushekye gutakajugutsire kukutakira,
Ntaire amatsiko aha bigambo byawe.
148 #
Zab 119:55. Ku nsisiimuka, amaisho gangye gaguma nigareeba, obunaku bw'okusisiimuka nyekiro butakahikire,
Ngu mbone kuguma ninteekateeka aha kigambo kyawe.
149Hurira eiraka ryangye, nk'embabazi zaawe ezitahinduka oku ziri;
Ompimbuure, ai MUKAMA, nk'oku emicwere yaawe eri.
150Abarikumpiiga ahabw'eitima nibaanyirira haihi;
Ebiragiro byawe bibari hare.
151 #
Zab 145:18. Kwonka Iwe ai MUKAMA, ori haihi;
Ebiragiro byawe byona n'amazima.
152 #
Zab 119:89. Kandi mmazire omwanya muhango nimmanyira aha bi waahamize,
Ku waabitaireho kugumaho ebiro byona.
Reshi
153 #
Yob 36:15. Teekateeka aha kubonabona kwangye, onjune;
Ahakuba tiinyebwa biragiro byawe.
154 #
1 Sam 24:15; Mik 7:9. Ontonganire, kandi oncungure;
Ompimbuure, nk'ekigambo kyawe oku kiri.
155 #
Yob 5:4. Ababi okujunwa kubari hare;
Ahakuba tabata mutima ha biragiro ebi waataireho.
156 #
Yer 3:20. Ai MUKAMA, embabazi zaawe ni nyingi;
Ompimbuure, nk'emicwere yaawe ey'oburyo oku eri.
157 #
Zab 3:1, 2. Abarikumpiiga n'abazigu bangye ni baingi;
Kwonka tinkateishukaga kureka ebi waahamize.
158 #
Yer 3:20. Nkareeba abarikukora eby'obugobya, bantama;
Ahakuba tiboorobera biragiro byawe.
159Teekateeka oku nkunda ebi oyegyesa;
Ompimbuure, ai MUKAMA, nk'embabazi zaawe ezitahinduka oku ziri.
160 #
Zab 139:17. Okutwarira hamwe ekigambo kyawe kyona gaba amazima;
Emicwere yaawe yoona ey'oburyo egumaho ebiro byona.
Shini
161 #
1 Sam 24:11. Abanyiginya bampiigira busha;
Kwonka ebigmabo byawe bikwatsa omutima gwangye obwoba.
162 #
Zab 21:11; Isa 9:3; Yer 15:16. Nshemerererwa ekigambo kyawe,
Nk'owaagwa aha minyago mingi.
163Nyanga ebishuba, kandi mbinuga;
Kwonka ebiragiro byawe mbikunda.
164Buri izooba nkuhimbisa emirundi mushanju,
Ahabw'emicwere yaawe y'oburyo.
165 #
Zab 37:11, 37; Enf 3:2, 23; Isa 32:17; 1 Yoh 2:10. Abakunda ebiragiro byawe baine obusingye bwingi;
Tihariho kirikubaasa kubateeza entsibo.
166 #
Kut 49:18. Ai MUKAMA, ntegyereize okujuna kwawe;
Kandi nkora ebi oragiira.
167Omutima gwangye gworobera ebi waahamize;
168 #
Zab 139:3; Yob 34:21; Enf 5:21. Obutoosha nyorobera ebi oyegyesa n'ebi waahamize;
Ahakuba emitwarize yangye yoona eri omu maisho gaawe.
Tau
169 #
Enf 2:6; Yak 1:5. Ai MUKAMA, ikiriza okutaka kwangye kukuhikyeho;
Ompe okwetegyereza, nk'ekigambo kyawe oku kiri.
170Okweshengyereza kwangye kuhikye omu maisho gaawe;
Onkize nk'ekigambo kyawe oku kiri.
171 #
Zab 145:7. Eminwa yangye eryagamba eby'okuhimbisa;
Ahakuba onyegyesa ebiragiro ebi waataireho.
172Orurimi rwangye ruryayeshongora eby'ekigambo kyawe;
Ahakuba ebiragiro byawe byona bihikire.
173 #
Yos 24:22; Enf 1:29; Luk 10:42. Omukono gwawe gugume gweteekateekire kumpwera;
Ahakuba nkatoorana ebi oyegyesa.
174 #
Zab 119:20, 24. Ntuura niinyetenga munonga okujuna kwawe, ai MUKAMA;
Kandi ebiragiro byawe nibyo nshemerererwa.
175Ondekye ngume ndi ohuriire, mbone kukuhimbisa;
Emicwere yaawe ey'oburyo empwere.
176 #
Isa 53:6; Mat 18:12; Luk 15:4; 1 Pet 2:25. Mpabire nk'entaama ebuzire; sherura omwiru waawe;
Ahakuba tiinyebwa biragiro byawe.
Currently Selected:
Zaaburi 119: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
