Popular Bible Verses from Zaaburi 119

Share

Ekigambo kyawe n'etabaaza emurika ebigyere byangye, N'omushana ogujwera omuhanda gwangye.

Ekigambo kyawe nkibiikire omu mutima gwangye, Ngu ndekye kukucumuraho.

Omutsigazi aryashemeza ata omuhanda gwe? Aryagushemeza ahabw'okugurinda, nk'ekigambo kyawe oku kiri.

Baine omugisha abarinda ebi yaahamize, Abamusherura n'omutima gwabo gwona

Niiwe bweshereko bwangye, kandi engabo yangye; Nyesiga ekigambo kyawe.

Ompe okwetegyereza, mbone kworobera ebiragiro byawe, N'okubikwata n'omutima gwangye gwona.

Okundise omutima gwangye ebi waahamize, Gurekye kuhugira omu kwetenga.

Kikangasira okubonabonesibwa, Ngu mbone kwega ebiragiro ebi waataireho.

Ekyo nikyo kimpuumuza omutima omu kubonabona kwangye; Ahakuba ekigambo kyawe kingarwiremu amagara.

Ongyendese omu muhanda gw'ebiragiro byawe; Ahakuba nigwo nshemerererwamu.

Ai MUKAMA, onyegyese omuhanda gw'ebiragiro ebi waataireho; Ndyagugumamu okuhitsya aha muheru.

Omutima gwangye niguyaga ahabw'obusaasi; Ongaruremu amaani, nk'ekigambo kyawe oku kiri.

Eshi nkunda ebiragiro byawe! Nibyo nsiiba ninteekateekaho eizooba ryona.