Zaaburi 118
118
Oku embabazi za Mukama zigumaho ebiro byona
1 #
Zab 100:5; 1 Bus 16:34; Yer 33:11. Nimusiime MUKAMA, ahabw'okuba ni murungi;
Kandi embabazi ze n'ez'ebiro byona.
2 #
Zab 115:9-11. Israeli agire ati:
Embabazi ze n'ez'ebiro byona.
3Ab'enju ya Arooni bagire bati:
Embabazi ze n'ez'ebiro byona.
4Abatiina MUKAMA bagire bati:
Embabazi ze n'ez'ebiro byona.
5 #
Zab 18:6, 19. Ku naabaire ndi omu busaasi, nkatakira MUKAMA,
MUKAMA yangarukamu, yanta omu mwanya gugarami.
6 #
Zab 56:9, 11; Rom 8:31; Heb 13:6. MUKAMA ari aha rubaju rwangye, tinditiina;
Omuntu naabaasa kungira ata?
7 #
Zab 54:4, 7. MUKAMA ari aha rubaju rwangye kumpwera;
N'ahabw'ekyo ndyareeba eki ndikwetengyera abarikuunyanga.
8 #
Zab 40:4; Yer 17:5, 7. Ni kirungi okwesiga MUKAMA
Okukira okwesiga abantu;
9 #
Zab 146:3; Isa 30:1-3. Ni kirungi okwesiga MUKAMA
Okukira okwesiga abategyeki.
10 #
Zab 88:17. Amahanga goona gantangatangire;
Omu iziina rya MUKAMA ndyagahwerekyereza.
11Gantangatangire; buzima gantangatangire;
Omu iziina rya MUKAMA ndyagahwerekyereza.
12 #
Zab 58:9; Bir 1:44. Bampumbatsi nk'enjoki,
Nibabuguma nk'omuriro gw'amahwa;
Omu iziina rya MUKAMA ndyabahwerekyereza.
13Baanyohire kungwisa;
Kwonka MUKAMA yampwera.
14 #
Kur 15:2; Isa 12:2. MUKAMA niwe maani gangye n'ekyeshongoro kyangye;
Kandi ahindukire okujunwa kwangye.
15 #
Kur 15:6; Luk 1:51. Eiraka ry'okushemererwa ahabw'okujunwa
Nirihurirwa omu mahema g'abahikiriire;
Omukono gwa buryo gwa MUKAMA gukora eby'obumanzi.
16Omukono gwa buryo gwa MUKAMA gubangirwe;
Omukono gwa buryo gwa MUKAMA gukora eby'obumanzi.
17 #
Zab 6:5; 73:28; 107:22. Tindifa, kureka ndyagumaho,
Mmanyise abantu ebi MUKAMA yaakozire.
18 #
Yer 30:11; 2 Kor 6:9. MUKAMA akampana munonga;
Kwonka tarampaireyo hari rufu.
19 #
Isa 26:2. Muunyigurire amarambo g'okuhikiirira,
Ntaahemu, nsiime MUKAMA.
20 #
Zab 24:7; Kush 21:27; 22:14. Eri niryo irembo rya MUKAMA;
Abahikiriire nibo baririrabamu.
21 #
Zab 27:1; 116:1. Ninkusiima, ahabw'okuba ongarukiremu,
Waahinduka okujunwa kwangye.
22 #
Isa 28:16; Mak 12:10, 11; Byak 4:11; Efe 2:20; 1 Pet 2:4, 7. Eibaare eri abombeki baayangire,
Niryo ryahindukire erikuru ery'obuhamizo bw'enju,
23Ekyo kikaruga ahari MUKAMA,
Kandi n'eky'okutangaaza omu maisho gaitu.
24Eri niryo izooba eri MUKAMA yaataireho;
Ka turishemerererwa, turyesiimireho.
25 #
Mat 23:39; Mak 11:9; Yoh 12:13. Ai MUKAMA, nitukweshengyereza, otujune;
Ai MUKAMA, nitukweshengyereza, otuhe okuhitsya gye ebi turikukora.
26Orikwija omu iziina rya MUKAMA aine omugisha;
Twabashabira omugisha turi omu nju ya MUKAMA.
27 #
Zab 97:11; Kur 27:2. MUKAMA niwe Ruhanga, kandi atujwisza omushana.
Mubohese ekitambo emigoye, mukitware aha mahembe g'eitambiro.
28 #
Zab 99:5; Kur 15:2; Isa 25:1. Niiwe Ruhanga wangye, ninkusiima;
Niiwe Ruhanga wangye, ninkuha ekitiinisa.
29 #
Zab 118:1. Musiime MUKAMA, ahabw'okuba ni murungi;
Kandi embabazi ze n'ez'ebiro n'ebiro.
Currently Selected:
Zaaburi 118: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
