Zaaburi 106
106
Okushiisha kw'Abaisraeli n'oburungi bwa Mukama aharibo
1 #
1 Bus 16:34; Yer 33:11. Haleluya;
Musiime MUKAMA, ahabw'okuba ni murungi;
Kandi embabazi ze n'ez'ebiro n'ebiro.
2N'oha owaakubaasa kugamba eby'amaani ebi MUKAMA yaakozire,
Nari okumanyisa ebirikumuhimbisisa byona?
3 #
Zab 15:2. Baine omugisha abarikukora eby'oburyo,
Abakora eby'okuhikiirira buri kaanya.
4 #
Zab 119:132. Onyijukye, ai MUKAMA, n'embabazi ezi ogirira abantu baawe;
Ontaayaayire n'okujuna kwawe,
5Mbone kureeba okugogyeera kw'abu waatooraine,
Nshemererwe ahabw'okwesiima kw'eihanga ryawe,
Kandi nyehimbise hamwe n'ab'obuhunguzi bwawe.
6 #
Lev 26:40; 1 Bag 8:47; Neh 1:6, 7; Yer 14:20. Itwe na baatatenkuriitwe tukashiisha,
Twakora eby'okutahikiirira; twakora kubi.
7 #
Zab 78:11; Kur 14:11, 12. Baatatenkuriitwe tibareetegyereize by'okutangaaza ebi waakozire omuri Misri;
Tibaraijukire by'embabazi bingi ebi waakozire,
Kureka bakagomera Rukira-boona aha Nyanja erikutukura.
8 #
Kur 9:16; Ezk 20:9. Kwonka yaabajuna ahabw'eiziina rye,
Ngu amanyise obushoboorozi bw'amaani ge.
9 #
Kur 14:21; Isa 51:10; 63:13. Yaakabukira egyo Nyanja erikutukura, yaayoma,
Yaabarabya ahagati yaayo nk'abarikuraba omu bwerere;
10 #
Zab 107:2; Kur 14:30. Yaabajuna omu mukono gw'ogwo owaabaire naabanga,
Yaabaiha omu mikono y'abazigu baabo.
11 #
Kur 14:28. Amaizi gaashweka ababisha baabo,
Tihaatsigara n'omwe.
12 #
Kur 14:31; 15:1-21. Obwo baikiriza ebigambo bye,
Baayeshongora eby'okumuhimbisa.
13 #
Zab 107:11; Kur 15:24; 16:2. Ku haahingwire akaanya kakye, baayebwa emirimo ye,
Tibaategyereza naama ye kuhikiirizibwa;
14 #
Kur 17:2; Kub 11:4; 1 Kor 10:6, 9. Kureka baagira okwetenga kwingi omu ihamba,
Baagyereza Ruhanga ahatatuurwa bantu.
15 #
Zab 78:29; Isa 10:16. Yaabaha ebi baamushabire,
Kwonka omu magara gaabo yaabareetera okuhururuka.
16 #
Kub 16:1-3. Baagirira Musa eihari omu nsiisira z'amahema,
Na Arooni orikwera wa MUKAMA.
17 #
Kub 16:31, 32. Ensi yaayashama, yaamira Dasani,
Yaashweka abantu ba Abiraamu;
18 #
Kub 16:35. N'omuriro gwayaka omu mutwe gw'abo bantu,
Endimi zaagwo zaayotsya ababi.
19 #
Kur 32:4; Byak 7:41. Baakorera enyana omuri Horebu,
Baaramya ekishushani ekiheesirwe.
20 #
Yer 2:11; Rom 1:23. Okwo nikwo baahindwire ekitiinisa kya Ruhanga,
Omu mwanya gwakyo bakatamu ekishushani ky'enimi erikurya obunyaatsi.
21 #
Zab 78:11, 43. Baayebwa Ruhanga Omujuni waabo,
Owaakoreire ebikuru omuri Misri;
22Akakora eby'okutangaaza omu nsi ya Haamu,
N'ebirikutiinisa aha Nyanja erikutukura.
23 #
Kur 32:10, 11; Bir 9:14, 18; Ezk 20:13. N'ahabw'ekyo yaabahayira ku arikwija kubahwerekyereza;
Akaabaire yaabaherizeho, kuri Musa ou yaatooraine ataramwemereire mumaisho ahasheenyukire,
Kutuubya ekiniga kye, ngu atakaabacwekyereza.
24 #
Kub 14:31; Bir 9:23; Heb 3:18, 19. Eego, baagaya ensi egyo erikukundwa;
Tibaikiriza kigambo kye;
25 #
Kub 14:2. Kureka baayetomboitera omu mahema gaabo,
Tibaayorobera iraka rya MUKAMA.
26 #
Kub 14:30; Ezk 20:23. Nikyo yaabarahiriire, aimukize omukono gwe,
Ku aribagwisa omu ihamba,
27Kandi ku aribingira oruzaaro rwabo omu mahanga,
Bakataataanira omu nsi zaago.
28 #
Kub 25:2, 3; Hos 9:10; Kush 2:14. Bwanyima baakwatanisa na Baali-peori,
Baarya ebitambirwe ahabw'abafiire.
29 #
Kub 25:7, 8. Okwo nikwo baamukwatsize ekiniga n'emicwe yaabo;
Orufu rukabaijamu.
30Ahonaaho Finehaasi yaimuka, yaakora eky'okuhikiiriza ebiragiro,
Orufu rwahwaho.
31 #
Kub 25:10-13. Ekyo kyamubarirwa kuba okuhikiirira,
Okuhitsya obusingye bwona obutarihwaho.
32 #
Kub 20:2-13. Kandi baakwatsa MUKAMA ekiniga aha maizi ga Meriba,
Kyareetera Musa okugwa omu kabi ahabwabo,
33Ahabw'okuba bakagomera Omwoyo wa Ruhanga;
Ekyo kyareetera Musa okugamba ebitahikire.
34 #
Bir 7:2; Bar 1:21, 27-36. Tibarahwerekyereize mahanga,
Nk'oku MUKAMA yaabaragiire;
35 #
Bar 3:5, 6; Ezr 9:2; Isa 2:6. Kureka bakeejwanzya n'ago mahanga,
Baayega kukora nkabo.
36 #
Bar 2:12, 13; 2 Bag 17:7-12. Baaheereza ebishushan byabo ebirikuramibwa,
Byabahindukira omutego.
37 #
Bir 32:17; 2 Bag 17:17; Isa 57:5; Ezk 16:20, 21; 1 Kor 10:20. Kandi baahongyera baadaimoni abaana baabo, aboojo n'abaishiki, nk'ebitambo;
38 #
Kub 35:33. Baasheesha eshagama y'abataine rubanja,
Ey'abao boojo n'abaishiki baabo,
Abu baahongyeire ebishushani ebyabaire nibiramibwa omuri Kanaani;
Ensi yaasiisikara ahabw'okusheesha eshagama.
39 #
Ezk 20:18, 30, 31. Nikwo baasiisikaire batyo ahabw'emicwe yaabo,
Bakahinduka abashambani omu bi baabaire nibakora.
40 #
Zab 78:59, 62; Neh 9:27; Bar 2:14. Nikyo ekiniga kya MUKAMA kyaiziire aha bantu be,
Akatamirwa kimwe obuhunguzi bwe;
41Akabahayo omu mikono y'abanyamahanga;
Abaabaire nibabanga bakabategyeka.
42 #
Bar 4:3; 10:12. Abazigu baabo baababonabonesa;
Baabagomoora, baabategyeka omu bushoboorozi bwabo.
43 #
Zab 81:12; 107:11; Bar 2:16; Lev 26:39. Kaingi akaba abakiza;
Kwonka bamugomera omu naama zaabo,
N'okutahikiirira kwabo kubagarura ahansi.
44 #
Bar 3:9; 6:6. N'obu byabaire biba bityo, ku yaabaire ahurira okutaka kwabo,
Ata omutima aha busaasi bwabo,
45 #
Zab 90:13; Lev 26:42; Tonz 3:32. Aijuka endagaano ye ahabwabo,
Ayegarukamu, nk'embabazi ze nyingi oku ziri.
46 #
Ezr 9:9; Yer 42:12. Abareetera okusaasirwa abo boona,
Abaabaire baba babanyagire.
47 #
1 Bus 16:35, 36. Otujune, ai MUKAMA Ruhanga waitu,
Otutaaruure, otwihe omu mahanga,
Tubone kusiima eiziina ryawe eririkwera,
Twesiimire okuhimbisibwa kwawe.#Zab 107:3.
48 #
Zab 41:13. MUKAMA Ruhanga wa Israeli ahimbisibwe
Okwiha ira ryona okuhitsya ebiro byona!
Kandi abantu boona bagire bati: Amiina.
Haleluya
Currently Selected:
Zaaburi 106: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
