Zaaburi 107
107
EKITABO KYA KATAANO
Okusiima Mukama ahabw'okujuna kwe okw'okutangaaza aha bantu
1 #
Zab 106:1. Yeimwe, musiime MUKAMA, ahabw'okuba ni murungi,
Kandi embabazi ze n'ez'ebiro n'ebiro.
2 #
Zab 106:10; Isa 62:12. Abacungwirwe MUKAMA bagire batyo,
Abu yaacungwire, akabaiha omu mikono y'omuzigu,
3 #
Zab 106:47; Isa 43:5, 6; 49:12; Yer 29:14; Ezk 39:27. Akabataarura naabaiha omu nsi nyingi,
Okuruga oburugwa-izooba, n'oburengyerwa-izooba,
N'obukiizi-bwa-bumosho n'obwa-buryo.
4 #
Bir 32:10. Bakazengyerera omu ihamba,
Baabura omuhanda gw'okubahitsya omu rurembo rw'okutuuramu;
5Baagira enjara n'eirho,
Emitima yaabo yaagwa enshazi.
6 #
Zab 50:15; 106:44. Bwanyima baatakira MUKAMA omu naku zaabo,
Yaabaiha omu busaasi bwabo;
7 #
Ezr 8:21. Yaabahabura omuhanda ogugororokire,
Ngu babone kuhika omu rurembo rw'okutuuramu.
8Kuri abantu basiima MUKAMA ahabw'embabazi ze,
N'ahabw'eby'okutangaaza ebi akorera abantu!
9 #
Zab 34:10; Luk 1:53. Ahabw'okuba ahaazya omutima gw'oine eiriho,
Kandi oine enjara amwigutsa ebirungi.
10 #
Yob 10:21; 36:8; Luk 1:79. Abamwe bakaba bashutami omu mwirima n'omu kibinda ky'okufa,
Babohirwe obusaasi n'ebyoma,
11 #
Zab 78:40; 106:43; Enf 1:30; Luk 7:30. Ahabw'okugomera ebigambo bya Ruhanga,
N'okugaya enaama za Rukira-boona.
12 #
Zab 22:11. Nikyo yainikiire emitima yaabo n'emirimo erikurusya;
Bakagwa ahansi, bakabura kihwera.
13Bwanyima bakatakira MUKAMA omu naku zaabo,
Akabakiza obusaasi bwabo.
14 #
Zab 107:10; Isa 49:9. Akabaiha omu mwirima n'omu kibunda ky'okufa,
akacwanyagura enjegyere zaabo.
15Kuri abantu basiima MUKAMA ahabw'embabazi ze,
N'ahabw'eby'okutangaaza ebi akorera abantu!
16 #
Isa 45:2. Ahakuba ahenda enyigi z'emiringa,
Kandi atemamu kabiri empimbi z'ebyoma.
17Abashema bakabonabonesibwa ahabw'okushiisha kwabo
N'ahabw'okutahikiirira kwabo;
18 #
Yob 33:20, 22. Amagara gaabo gaatamwa eby'okurya byona,
Bairira haihi amarembo g'okufa.
19Bwanyima baatakira MUKAMA omu naku zaabo,
Yaabaiha omu busaasi bwabo;
20 #
Zab 103:3, 4; 2 Bag 20:5; Mat 8:8. Taayohereza ekigambo kye, yaabakiza,
Yaabaiha omu kuhwerekyerera kwabo.
21Kuri abantu basiima MUKAMA ahabw'embabazi ze,
N'ahabw'eby'okutangaaza ebi akorera abantu!
22 #
Zab 9:11; 50:14; Heb 13:15. Ka bahongye ebitambo by'okusiima,
Bamanyisize omu kweshongora ebi yaakozire.
23 #
Isa 42:10. Abarikuza aha nyanja omu meeri,
Bakakorera emirimo yaabo omu mayanja,
24Nibo baareeba emirimo ya MUKAMA,
N'eby'okutangaaza bye omuri ago maizi maingi.
25 #
Yon 1:4. Ahakuba aragiira, eihunga ry'amaani riija,
Riimutsya ebingonzi byayo.
26 #
Zab 22:14. Batemba ahaiguru, bagaruka ahansi;
Emitima yaabo eyaga ahabw'obusaasi;
27 #
Yob 12:25. Bagyenda nibazonga oku n'oku, nibagwererana nk'omusinzi,
Baburirwa kimwe obwengye.
28Bwanyima batakira MUKAMA omu naku zaabo,
Abaiha omu busaasi bwabo;
29 #
Zab 65:7. Acureeza eihunga,
Rbingonzi byayo bituuza.
30Bwanyima bashemererwa ahabw'okutuuza;
Kandi abahitsya aha nyambukiro ei baba nibeetenga.
31Kuri abantu basiima MUKAMA ahabw'embabazi ze,
N'ahabw'eby'okutangaaza ebi akorera abantu!
32 #
Zab 22:22, 25. Ka bamuye ekitiinisa omu mutwe gw'abantu,
Bamuhimbisize omu ishengyero ry'abakuru.
33 #
Isa 42:15; 50:2; Nah 1:4. Emigyera agihindura eihamba ry'omusheenyi,
N'enshuro z'amaizi azihindura empaama;
34 #
Kut 13:10; 19:24-28. Kandi ensi erikweza agihindura eihamba ry'orwonyo
ahabw'obubi bw'abagitwiremu.
35 #
Yob 38:26, 27; Isa 35:7; 41:18. Kandi ahaindura eihamba ebiyanja by'amaizi,
N'eitaka eryomire arifumuramu enshuro.
36Omwo nimwo atuuza abaine enjara,
Ngu beeyombekyeremu orurembo rw'okutuuramu,
37Babibe embibo omu misiri, babyare emizaabibu,
Beetungire emyaka eyezire munonga.
38 #
Kut 12:2. Abaha omugisha, bakanya munonga;
Kandi taikiriza nte zaabo kutuuba.
39Obundi ku batuuba, bagarurwa ahansi
Ahabw'okubonabonesibwa n'enaku n'obusaasi,
40 #
Yob 12:21, 24. Areetera abakuru okugayirwa kimwe,
Abazengyereza omu ihamba eritarimu kirari.
41 #
Zab 113:7; Yob 21:11; 1 Sam 2:8. Kwonka abakyene abatunguura, abaiha omu kubonabona,
Abakanyisiza enganda nk'amasyo.
42 #
Zab 63:11; Yob 5:16; 22:19. Abahikiriire baryakireeba, beesiime;
Okutahikiirira kwona kwigara akanwa.
43 #
Yer 9:12; Dan 12:10; Hos 14:9. Oine obwengye weena ate omutima aha bigambo ebyo;
Abantu bateekateekye ha mbabazi za MUKAMA.
Currently Selected:
Zaaburi 107: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
