Zaaburi 105
105
Ebirungi ebi Ruhanga yaakozire ahabw'Abaisraeli
1 #
1 Bus 16:8-22. Musiime MUKAMA, murangaane eiziina rye,
Mumanyise ebi yaakozire omu mahanga.#Isa 12:4.
2Mumweshongorere, mweshongore eby'okumuhimbisa,
Mugambire abantu eby'emirimo ye yoona ey'okutangaaza.
3Mwesiime ahabw'eiziina rye eririkwera,
Emitima y'abarikusherura MUKAMA eshemererwa.
4 #
Zab 27:8. Musherure MUKAMA n'amaani ge,
Mwetengye okuguma omu maisho ge obutoosha.
5 #
Zab 77:11; Kur 6:6. Mwijukye emirimo ye ey'okutangaaza,
N'ebitakareebwaga ebi yaakozire, n'emanja ezi yaacwire,
6 #
Zab 105:42. Imwe ab'oruzaaro rw'omwiru we Abrahamu,
Abaana ba Yakobo, abu yaatooraine.
7 #
Isa 26:9. Niwe MUKAMA Ruhanga waitu,
Emicwere ye eri omu nsi yoona.
8 #
Zab 111:5, 9; Bir 7:9; Luk 1:72. Aijuka endagaano ye ebiro byona,
Ekigambo eki yaaragiire ab'obusingye rukumi,
9 #
Kut 17:2; 22:16-18; 26:3; Luk 1:73. Niyo ndagaano ei yaaragaine na Abrahamu,
Ei yaarahiire naaraganisa Isaaka,
10 #
Kut 28:13, 14; 35:10-12. Akagihamiza Yakobo kuba ekiragiro,
Na Israeli okuba endagaano etarihwaho,
11 #
Kut 13:15; 15:18. Naagira ati: Niiwe ndiha ensi ya Kanaani,
Kuba omugabo gw'obuhunguzi bwanyu.
12 #
Kut 34:30; Heb 11:9. Obu baabaire bakiri bakye,
Eego bakye munonga kandi abashuhuuki omu nsi egyo,
13Nibazengyerera omu mahanga agatari gamwe,
Okuruga omu bugabe bumwe okuza omu bundi,
14 #
Kut 12:17; 35:5. Taraikiriize muntu weean kubakora kubi;
Akateisa abagabe ahabwabo,
15 #
Kut 20:6, 7. Naagira ati: Mutakora aha bu naashukireho amajuta,
N'obu kwakuba okukora kubi baanabi bangye.
16 #
Kut 41:54; Ezk 4:16. Obu yaayeta enjara, ekateera ensi egyo,
Akahendera kimwe enkoni ei baabaire beesigire, nibyo by'okurya byabo.
17 #
Kut 37:28, 36; 45:5; Byak 7:9. Akashangwa yaatumire omuntu kubabandizayo,
Niwe Yosefu owaaguzirwe kuba omuhuuku.
18 #
Kut 39:20. Ebigyere bye baabisaasa n'emihama,
Baamubohesa enjegyere z'ebyoma.
19 #
Kut 40:20-22. Ekigambo kya MUKAMA kikaguma nikimugyeza,
Okuhitsya obu eki yaagambire kyabaireho.
20 #
Kut 41:14. Omugabe yaatuma, baamubohoorora,
omutegyeki w'amahanga yaamurekura;
21 #
Kut 41:40. Yaamuhindura omukuru w'eka ye,
Kandi omutegyeki w'ebintu bye byona,
22Okuboha abanyiginya be nk'oku arikwenda,
N'okwegyesa abakuru be obwengye.
23 #
Kut 46:6; 47:11; Byak 7:15; 13:17. Bwanyima Israeli yaija omuri Misiri
Yakobo yaashuhuukira omu nsi ya Haamu.
24 #
Kur 1:8-14; Byak 7:17. MUKAMA yaakanyisa abantu be munonga,
Yaabahindura ab'amaani okukira abazigu baabo.
25 #
Kur 1:8-14; Byak 7:19. Yaahihdura emitima yaabo kwanga abantu be,
N'okugira obwengye bw'okutwaza kubi abairu be.
26 #
Kur 3:10; 4:12; Kub 17:5-8. Yaatuma Musa omwiru we,
Na Arooni ou yaatooraine;
27 #
Zab 78:43-51. Baakora obumanyiso bwe omuribo,
N'eby'okutangaaza omu nsi ya Haamu.
28 #
Zab 99:7; Kur 10:21-23. Yaareeta omwirima, gwashweka ensi;
1Ngu barekye kugomera ekigambo kye.
29 #
Kur 7:17-21. Yaahindura amaizi gaabo eshagama,
Yaita eby'enyanja byabo.
30 #
Kur 8:2-6. Ensi yaabo yaijura ebikyere,
Byaza n'omu bishengye by'abagabe baabo.
31 #
Kur 8:16, 17, 21-24. Yaaragiira, haija emizinga y'eshohera,
Enda zaanyiga omu nsi yaabo yoona.
32 #
Kur 9:22-25. Omu mwanya gw'enjura yaabagwisiza orubaare,
N'emirabyo yaatyankana omu nsi yaabo.
33Yaateera emizaabibu yaabo n'emitiini yaabo,
Yaahendagura ebiti by'omu nsi yaabo.
34 #
Kur 10:12-15. Yaagamba, enzigye zaateera,
Na kanyananga nyingi munonga,
35Byarya ebimezire byona omu nsi yaabo,
N'emyaka ey'omu misiri yaabo.
36 #
Zab 78:51; Kur 12:29. Kandi yaateera emijigaijo yoona ey'omu nsi yaabo,
Abaana b'amaani gaabo ag'okubanza.
37 #
Kur 12:35, 36. Bwanyima yaiha Abasraeli omu nsi egyo, baine efeeza n'ezaabu;
Tihariho n'omwe aharibo owaabaire ataine maani.
38 #
Kur 12:15-16, 33. Ku baarugiremu, Abanyamisiri baashemererwa,
Ahabw'okuba bakaba baine obwoba ahabwabo.
39 #
Kur 13:21; Isa 4:5; 1 Kor 10:1. Yaashashaanura ekicu ky'okubasangira,
Yaataho n'omuriro gw'okubamurikira nyekiro.
40 #
Zab 78:24, 27; Kur 16:12-15; Yoh 6:31. Baashaba, yaareeta endahi,
Yaabahaazya eby'okurya by'omu iguru.
41 #
Kur 17:6; Kub 20:11; Isa 48:21; 1 Kor 10:4. Yaayata orukiri, amaizi gaahimintika;
Gaaraba omu myanya eyomire nk'emigyera;
42 #
Zab 105:6-9; Kur 2:24; Kut 15:14. Ahakuba akaijuka ekigambo kye ekirikwera,
Na Abrahamu omwiru we.
43 #
Kur 15:1. Yaihayo abantu be n'okushemererwa,
Abu yaatooraine baija nibeeshongora.
44 #
Zab 78:55; Yos 11:23; 24:13. Yaabaha ensi z'abanyamahanga,
Baahungura ebi abanyamahanga baahendekyeire,
45 #
Zab 104:35; Bir 4:1, 40. Ngu babone kworobera ebiragiro bye n'okurinda ebi yaataireho.
Haleluya.
Currently Selected:
Zaaburi 105: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
