Zaaburi 101
101
Oku omutegyeki ashemereire kumariirira kuba ohikiriire
Zaaburi ya Daudi
1 #
Kur 34:7. Niinyeshongora aha by'embabazi eby'okuhimbisa.
2 #
1 Sam 18:14; 1 Bag 9:4; Enf 11:20; Yoh 14:23. Ndyayerinda ngyendere omu muhanda oguhikire.
Oryaija ryari ahi ndi?
3 #
1 Sam 12:20. Tindigira kintu kyona ekibi eki naayebembeza;
Niinyangira kimwe ekirikukorwa abarikuteishuka omuhanda gwawe;
Tindikwatanisa nakyo.
4 #
Enf 17:20; 2 Tim 2:19. Omutima gw'obugomi guryanza hare;
Tindimanya kintu kyona ekibi.
5 #
Enf 16:5; 21:4. Orikubeiherera mutaahi we omu mubonano, ndyamucwekyereza;
Orikureebesa abantu esheshemi, kandi ow'omutima gw'amaryo, tindimugumisiririza.
6 #
Zab 119:1; Mat 5:48. Ndyareeba n'embabazi abarikwesigwa omu nsi,
Bagume naanye.
Orikugyendera omu muhanda oguhikire,
Niwe ariguma nampeereza.
7Omuntu weena okora eby'okugobya, tariguma mu nju yangye;
Omuntu weena orikubeiha, tarihamibwa mu maisho gangye.
8 #
Zab 46:4; 94:4. Buri kasheeshe ndyaguma ncwekyereze ababi boona ab'omu nsi,
Mbone kumariraho kimwe enkozi z'ebibi zoona omu rurembo rwa MUKAMA.
Currently Selected:
Zaaburi 101: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
