Enfumu 9
9
Omugasho gw'obwengye bw'okutiina Ruhanga
1 #
Mat 16:18; Efe 2:20-22. Bwengye ayombekire enju ye,
Yaabyara enyomyo ze mushanju.
2 #
Zab 23:5; Mat 22:4; Luk 14:17. Aitsire amatungo ge, yaaturira viinyo ye,
Yaatebeekanisa emeeza ye.
3 #
Enf 8:1, 2; Mat 22:3. Yaatuma abazaana be kweta n'eiraka rihango,
Beemereire omu myanya mikuru y'omu irembo etunguukire
Nibagira bati:
4 #
Enf 6:32. Weena otaine bugobya, aije aha!
Kandi nawe naagambira abataine bwengye ati:
5 #
Kyesh 8:2; Isa 55:1; Yoh 6:27. Mwije murye aha by'okurya byangye,
Kandi munywe ahari viinyo ei nturiire.
6Murekye obushema, mubone kugumaho,
N'okugyendera omu muhanda gw'okwetegyereza.
7 #
Zab 141:5; Mat 7:6. Orikuhana omugayi, naaba ayereeteire okujumwa;
Kandi orikuhana enkozi y'ebibi, naaba ayegwisiize akagwe.
8Otarihana omugayi, nyentsya akakwanga;
Ohane omunyabwengye, naija kukukunda.
9 #
Mat 13:12. Ohabure omunyabwengye, aryayeyongyera kugira obwengye;
Oyegyese ohikiriire, naija kweyongyera kwega.
10 #
Enf 1:7. Okutiina MUKAMA nibwo butandikiro bw'obwengye,
N'okumanya Orikwera nikwo kwetegyereza;
11 #
Enf 3:2. Ahakuba niinye ndikanyisa ebiro byawe,
Nkakwongyeraho emyaka ei orimara omu nsi.
12 #
Yob 22:2; 35:7. Ku oraabe oine obwengye, obweiniire;
Kandi ku oraabe omugayi, noomwebeera.
Okubeihabeiha kwa baamaraaya
13 #
Enf 7:7-27. Omukazi ekifa-mutima ayomba,
Tagira buntu, kandi tagira kashoni.
14Ashutama aha muryango gw'enju ye,
Kandi arumbaara aha kitebe omu myanya mikuru y'orurembo
15Kweta abarikuhingura,
Abakwaitse emihanda yaabo naagira ati:
16 #
Enf 9:4. Otaine bugobya aije aha!
Kandi agambira abataine bwengye ati:
17 #
Enf 20:17. Amaizi g'enyibano ganura,
Kandi ebiriibwa bwesherekye nibyo bishemeza.
18 #
Enf 7:27. Kwonka we tamanya ku abafu niyo bari,
Kandi n'abagyenyi be ku bari okuzimu owa Nyamuteza.
Currently Selected:
Enfumu 9: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
